Сокини ноҳияи Фархор бо ҳашиш дастгир шуд
Дар натиҷаи гузаронидани чорабиниҳои фаврӣ-ҷустуҷӯӣ 25 сентябри соли равон сокини 35-солаи ноҳияи Фархор бо гумони даст доштан дар гардиши ғайриқонунии маводи мухаддир дастгир гардид.
Кормандони фаврӣ дар вақти кофтукови борхалтаи гумонбаршуда аз дохили он маводи қаҳваранги бӯйи ғализдоштаро дарёфт ва мусодира намуданд. Ташхиси ин мавод нишон дод, ки он ба маводи нашъадори навъи ҳашиш мансуб буда, вазни он 498 граммро ташкил дод.
Тавре ки аз хадамоти матбуоти ВКД иттилоъ доданд, нисбат ба далели мазкур парвандаи ҷиноятӣ оғоз гардида, тафтиш идома дорад.
АМИТ «Ховар»
