Муноқиша ба марг анҷомид
Зимни гузаронидани чорабиниҳои оперативӣ - ҷустуҷӯӣ кормандони милитсия ҷавони 21-солаи сокини ноҳияи Аштро бо гумони қасдан расонидани зарари вазнини ҷисмонӣ ба саломатӣ дастгир намуданд.
Муайян карда шуд, ки гумонбаршуда санаи 23.10.с.2015 тахминан соати 13:00-дақиқа дар деҳаи Гудоси ноҳияи Ашт аз сабаби муноқишаи ба миён омада, бо марди 39-солаи сокини ҳамин деҳа, ҷангу ҷанҷол намуда, ба сару рӯи охирон задааст. Дар натиҷа, марди 39-сола ба замин афтида, бо ҷароҳатҳои ҷисмонии бардоштааш дар беморхона бистарӣ гаштааст. Баъди ду рӯз, ҷабрдида, дар беморхона ба ҳалокат расидааст. Нисбати далели мазкур парвандаи ҷиноятӣ оғоз карда шуда, тафтишот идома дорад.