Хуршеди Атоуллоҳ раиси Шӯрои ВАО интихоб гардид
Дар ҷаласаи солонаи Шӯрои васоити ахбори оммаи Ҷумҳурии Тоҷикистон, ки дирӯз, 4-уми декабри 2015 баргузор гардид, маърӯзаи ҳисоботии раиси Шӯро Нуриддин Қаршибоев мавриди баррасии вакилони маҷлис қарор гирифт. Вакилон фаъолияти раёсати Шӯроро дар соли 2015 қаноатбахш ҳисобиданд.
Хуршеди Атоуллоҳ, Раиси ташкилоти ҷамъиятии Маркази Тадқиқоти Журналистӣ раиси Шӯро интихоб гардид.
Дар ҷаласа мушовири Президенти ҶТ доир ба илм ва технологияи муосир Муҳаммадшариф Бобошоев, мушовир оид ба ВАО-и Дафтара САҲА дар Тоҷикистон ҷаноби Эвалд Орф ширкат ва суханронӣ карданд.
Шӯрои Васоити Ахбори Омма Ҷумҳурии Тоҷикистон ташкилоти ҷамъиятӣ буда он 67 созмони давлатӣ ва ғайридавлатии бештар соҳаи рӯзноманигориро дарбар гирифта, барои қабул, баррасӣ ва натиҷагирӣ аз шикоятҳое, ки ба риояи «Меъёрҳои ахлоқии фаъолияти журналистӣ дар Тоҷикистон» тааллуқ доранд, ташкил шудааст ва соли шашум аст, ки бо дастгирии Дафтари САҲА фаъолият дорад.
«Рӯзгор»