Шаби мусиқии ҷаз

Дар толори калони Консерваторияи миллӣ Шаби мусиқии ҷаз барпо шуд. Баҳоваддин Неъматов (писари Ҳунарманди Мардумии Тоҷикистон Баҳодур Неъматов), устоди факултети эстрадаи Консерваторияи миллӣ консерти инфиродии худро баргузор намуд.

Дар консерт асарҳои оҳангсозҳои маъруфи дунё Эррол Гарнер, Виктор Янг, Билл Эванс, Пол Дезмонд, Скотт Ҷоплин, Оскар Питерсон, Мишель Легран, Гарольд Арлейн, Арт Тейтум ва худи Баҳоваддин Неъматов садо доданд. Мутриби ҷавон, ки дар роял ҳунарнамоӣ мекард, мавриди истиқболи гарми алоқамандони сершумор қарор гирифт.