03:26:16 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

САФИРЕ, КИ КИМЁГАРИ ДУРРИ ДАРӢ УНВОН ГИРИФТ

 

Дар Тоҷикистон китоби «Кимёгари дурри дарӣ» ба нашр расид, ки он дар бораи Алиасғари Шеърдӯст сафири ҶИЭ дар Тоҷикистон навишта шудааст. Рӯзи 10-апрели соли 2009 дар толори Иттифоқи нависандагони Тоҷикистон муаррифии китоби нависандаи тоҷик Мирзо Шукурзода «Кимёгари дурри дарӣ» баргузор гардид, ки дар он адибони маъруфи кишвар ва алоқамадони зиёди адабиёт ва фарҳанги тоҷик, намояндагони сафоратхонаҳои Ҷумҳурии Исломии Эрон ва Ҷумҳурии Исломии Афғонистон ширкат варзиданд.

«Кимёгари дурри дарӣ», ки чанде пеш аз сӯйи нашриёти «Диваштич» ба табъ расидааст, маҷмӯаи мақолаҳои Мирзо Шукурзода ва дигар адабиётшиносон ва муҳаққиқони тоҷик мебошад, ки дар бораи пажӯҳишгари маъруфи адабиёти форсу тоҷик Алиасғари Шеърдӯст навишта шудаанд.


Алиасғари Шеърдӯстро, ки феълан ба ҳайси сафири ҶИЭ дар Тоҷикистон фаъолият дошта дар ин ҷамъомади бошукӯҳ худ низ ҳузур дошт, адибони Тоҷикистон, аҳли зиё, дӯстдорони фарҳангу адабиёти Тоҷикистон солҳост, ки хеле хуб мешиносанд. Ӯ дар баробари пажӯҳишҳои муҳаққиқона ва мунсифонаи хеш, ки ҷанбаҳои гуногуни адабиёти муосири тоҷикро дар бар мегиранд, инчунин ба сифати раиси интишороти маъруфи Ал-Ҳудо дар табъу нашри асарҳои бузургони назму насри тоҷик устод Айнӣ, устод Улуғзода, устодон Мӯъмин Қаноат, Лоиқ Шералӣ, Бозор Собир, Гулрухсор ва дигарон хизматҳои шоёне ба харҷ додааст.


Самараи заҳматҳои чандинсолаи Алиасғари Шеърдӯст китоби ӯ «Чашмандози имрӯзи шеъри тоҷик» ва китобҳои дар Эрон ба нашр расондаи ӯ «Намунаи адабиёти тоҷик»-и Устод Айнӣ, «Фирдавсӣ»-и устод Улуғзода, Куллиёти Гулрухсор ва осори дигар адибони маъруфи мо мебошад. Дар хатми ин ҷамъомад Сафири Ҷумҳурии Исломии Эрон дар Тоҷикистон Алиасғари Шеърдӯст аз ин иқдоми нависандаи тоҷик Мирзо Шукурзода изҳори миннатдорӣ намуда иброз дошт, ки аз ин ба баъд ҳам кӯшиш ва талошҳои хешро баҳри таҳким бахшидани муносибатҳои байни Эрону Тоҷикистон ва мардуми ин ду кишвари ҳамзабону ҳамфарҳанг дучанд хоҳад кард. Дар баробари китоби «Кимёгари дурри дарӣ» ба ҳозирин инчунин китоби «Намунаҳои адабиёти тоҷик»-и устод Айнӣ, ки ба тозагӣ дар Эрон рӯйи чопро дидааст, эҳдо гардид.


«Рӯзгор» 

 

 



Назари Шумо

Security code
навсозӣ

Дуои борон

sultoni-qalbho
askshoi-khotiravi