МАСЪАЛАҲОИ ҲАМКОРӢ БО ШИРКАТИ ИСТЕҲСОЛИИ УРАЛӢ БАРРАСӣ ГАРДИДАНД
8 июли соли 2021 Консули генералии Ҷумҳурии Тоҷикистон дар шаҳри Екатеринбург Зафар Сайидзода дар ҳошияи Намоишгоҳи байналмилалии "Иннопром-2021" бо роҳбари бахши уралии Бонки "Солидарность" Ксения Красовская мулоқот кард.
Зимни суҳбати корӣ масъалаи имконияти роҳандозии ҳамкориҳои дарозмуддати мутақобилан судманди ширкатҳои марбутаи Тоҷикистон бо ҶДММ "Торговый дом Спетсэнергомодуль" баррасӣ шуд, ки дар доираи он ширкати россиягӣ метавонад ба ҳайси истеҳсолкунандаю фурӯшандаи биноҳои модулӣ барои маҷмааҳои энергетикӣ ва кӯҳӣ-металлургӣ нақше дошта бошад.
Қайд шуд, ки шарики потентсиалии Бонки "Солидарность" буда, ҶДММ "Торговый дом Спетсэнергомодуль" дар минтақаи Урал дар арсаи истеҳсоли биноҳои интиқолшавандаи блокмодулӣ имрӯз пешсаф мебошад. Зафар Сайидзода дар ин иртибот гуфт, ки дар бораи пешниҳодҳои мушаххаси ин ширкати соҳибноми уралӣ оид ба ҳамкориҳо унвонии шарикони эҳтимолии иқтисодиаш дар Тоҷикистон иттилоъ хоҳад дод.