Қазоқистон овозаҳо дар бораи нақшаи хуруҷи ин кишвар аз Иттиҳоди иқтисодии АвруОсиёро рад кард
Сомонаи "stopfake.kz" бо нашри баёнияи Вазорати иттилоот ва рушди иҷтимоии ҷумҳурӣ хабар дод, ки маълумоти дар ВАО нашршуда дар бораи нақшаи эҳтимолии хориҷ шудани Қазоқистон аз Иттиҳоди иқтисодии АвруОсиё нодуруст аст.
"Дар шабакаи иҷтимоии Telegram хабаре паҳн шуда истодааст, ки гӯё Қазоқистон аз Иттиҳоди иқтисодии АвруОсиё дар ҳоли хуруҷ истодааст. Сабабаш - "ихтилофоти ҳалнашуда байни Қазоқистон ва Русия" будааст. Ин хабар дуруст нест. Ин хабарро Вазорати савдо ва ҳамгироии Ҷумҳурии Қазоқистон рад кард», — омадааст дар хабар дар сомонаи "stopfake.kz".
Тавзеҳ дода мешавад, ки ин хабарро низ Вазорати корҳои хориҷиаи кишвар рад кардааст.
"Мо ҳамчунин қайд мекунем, ки дар паёми паҳншуда муаллифе, ки иддаъо дорад, ки Қазоқистон мехоҳад аз Иттиҳоди иқтисодии АвруОсиё хурӯҷ шавад, ба баъзе манобеъи худ ишора мекунад. Ин яке аз нишонаҳои ҷаълӣ (фейк) будани ин хабарро тасдиқ мекунад, зеро пайдо кардани манбаъ ва тафтиши он тақрибан ғайриимкон аст".
Ҳамчунин сомона хабар медиҳад, ки дар сомонаҳои расмӣ ва васоити ахбори омма "дар бораи нақшаҳои хурӯҷи Қазоқистон аз Иттиҳоди иқтисодии АвруОсиё" ҳеҷ хабаре вуҷуд надорад.
Ба Иттиҳоди иқтисодии АвруОсиё Русия, Белорус, Қазоқистон, Қирғизистон ва Арманистон шомиланд.
РИА Новости