ШАШ ПУЛИСИ АФҒОН ДАР ҚАНДАҲОР КУШТА ШУДАНД

Шӯришиёни марбут ба Толибон дар ҳамла ба як маркази омӯзишии пулис дар Қандаҳор дар ҷануби Афғонистон шаш тан аз нерӯҳои амниятии ин кишварро куштанд. Мақомҳои маҳаллӣ дар ҷануби Афғонистон гуфтаанд дастикам се тан аз шуришиён низ дар ин ҳамла кушта шудаанд. Гузоришҳои аввалия ҳокӣ аст, ки ин инфиҷор дар наздики ин марказ рух дода ва баъд садои тирандозӣ ба гӯш расидааст. Толибон масъулияти ин ҳамларо ба уҳда гирифтаанд.

Мақомҳои амниятӣ мегӯянд чандин нафар аз муҳоҷимон дар ин амалиёт ширкат доштанд, мақомҳои амниятӣ ҳамчунин гуфтаанд, ки муҳоҷимон ба орпиҷӣ (РПГ) ва мусалсал (автомат) мусаллаҳ буданд ва иддае аз онҳо ҷалиқаҳои инфиҷорӣ ба тан доштаанд. Ҳанӯз мушаххас нест ки ин ҳамла интиҳорӣ будааст ё на.

Дар остонаи интиқоли масъулияти амниятӣ аз нерӯҳои хориҷӣ ба нерӯҳои афғон барномаҳои омӯзиши нерӯҳои амниятӣ аз ҷумла артиш ва пулис барои давлати Афғонистон ва ҷомеъаи ҷаҳонӣ аз аҳамияти зиёде бархурдор аст. Дар моҳои ахир афроди мусаллаҳ дар чандин маврид ба марокизи истихдоми нерӯҳои амниятӣ ва ё марокизи омӯзиши онҳо ҳамла кардаанд.

Сохтмоне, ки дар наздикии шаҳри Қандаҳор мавриди ҳамла қарор гирифта дар канори маркази омӯзиш, маркази истихдом ва ҷалбу ҷазби нерӯҳои амниятии Афғонистон низ ҳаст. Хабарнигорон дар маҳал мегӯянд ин минтақа аз суи нерӯҳои амниятӣ ба рӯи тарофик баста шуда ва ҳаликуптерҳо бар фарози ин минтақа ба парвоз даромадаанд. Вилояти Қандаҳор, ки пойгоҳи аслии гурӯҳи Толибон дар замони ҳокимияти онҳо буд, дар солҳои ахир саҳнаи хунинтарин хушунатҳо будааст.

Би-Би-Си