ХУҶАНД: ҲАМКОРИИ ҲОМИЁНИ ҲУҚУҚ ВА ЖУРНАЛИСТОН
Намояндагии Институти бритонии инъикоси ҷанг ва сулҳ (IWPR) дар Тоҷикистон рӯзҳои 14-15 апрели соли ҷорӣ дар шаҳри Хӯҷанд семинар-тренинги дурӯзаро дар мавзӯи «Ҳамкории ҳомиёни ҳуқуқи инсон ва васоити ахбори омма» баргузор менамояд.
Дар ин семинар зиёда аз 15 нафар журналистону ҳомиёни ҳуқуқи инсон роҳу востиаҳои ҳамкорӣ ҳангоми инъикоси масоили ҳуқуқи башарро аз худ хоҳанд кард. Тренингро роҳбари созмони ҷамъиятии Анҷумани миллии васоити ахбори оммаи мустақили Тоҷикистон Нуриддин Қаршибоев ва ҳуқуқшинос Сергей Романов, роҳбари созмони ҷамъиятии «Маркази мустақили дифоъ аз ҳуқуқи инсон», мегузаронанд.
Дар рафти тренинг иштирокчиён имкон пайдо мекунанд, ки дар шакли интерактив бо тарзи гузаронидани пресс-конференсияву мусоҳибаи актуалӣ шинос гардида, ҳамчунин роҳу усулҳои ҷалб намудани таваҷҷӯҳ ба кори ҳамдигарро аз тариқӣ машқҳои амалӣ аз худ кунанд.
«Рӯзгор»