РУШДИ ИҚТИДОРИ НИЗОМИ СУД ВОБАСТА БА ҲУҚУҚИ ТИҶОРАТӢ

Имрӯз, 10 июн дар ноҳияи Варзоб Конфронси байналмилалӣ дар мавзӯи «Рушди иқтидори низоми судӣ вобаста ба ҳуқуқи тиҷоратӣ дар кишварҳои Осиёи Марказӣ» баргузор гардид.

Чорабинии мазкур бо ташаббуси Шӯрои адлияи Ҷумҳурии Тоҷикистон ва бо Бонки таҷдид ва рушди Аврупо дар доираи барномаи «Ислоҳоти судиву ҳуқуқӣ дар Ҷумҳурии Тоҷикистон» ташкил гардидааст.

Мақсади асосии конфронс шиносоӣ ва истифодаи амалияи таҷрибаи пазируфташудаи ҷаҳонӣ ва баланд бардоштани савияи донишу малакаи касбии судяҳо вобаста дар амалияи судӣ тадбиқ намудани ҳуқуқи тиҷоратӣ мебошад. 

Дар ин конфронс баҳри мубодилаи таҷриба дар соҳаи судӣ намояндагони сохторҳои давлатӣ, судяҳои Суди олии иқтисодии Ҷумҳурии Тоҷикистон ва судяҳои суди иқтисодии шаҳри Душанбе, вилоятҳо, соҳибкорон, адвокатҳо, намояндагони кишварҳои аврупоӣ ва Осиёи Марказӣ ширкат намуданд.