ҲАЙАТИ БОНФУЗИ САУДӢ БА ДУШАНБЕ МЕОЯД

Як ҳайати бонуфузи Арабистони Саудӣ рӯзҳои наздик ба Тоҷикистон ташриф меорад»,- иттилоъ дод сафири ин кишвар дар Душанбе Бандар Муҳаммад Ҷамил Маҳмуд дар мулоқот бо Раиси палатаи болоии парлумони Тоҷикистон Маҳмадсаид Убайдуллоев.

Дипломати саудӣ афзуд, ки ҳайат аз роҳбарони ширкатҳои туристии Арабистони Саудӣ ва тоҷирон иборат буда, ҳадафи сафарашон ба Тоҷикистон шиносоӣ бо захираю дастовардҳои сайёҳӣ ва дар ин замина ҷалби сайёҳони саудӣ ба кишвари афсонавии Тоҷикистон аст. Мавсуф, ҳамзамон таъкид кард, ки ташрифи ин ҳайти бонуфуз ба Тоҷикистон ба рушду тавсеаи ҳамкориҳои иқтисодию тиҷоратии Тоҷикистону Арабистони Саудӣ нақши муасссир мегузорад.

Бояд тазаккур дод, ки тӯли солҳои охир бо ифтитоҳи намояндагиҳои дипломатии ҳар ду кишвар дар пойтахтҳои давлатҳои ҳамдигар – Душанбе ва Ал-Риёз - дар муносибатҳои Тоҷикистону Арабистони Саудӣ саҳифаи нав боз шуд, ки он шаҳодати тавсеа ва густариши дурнамои ҳамкориҳои мутақобилан судманди ҳар ду давлат аст.