ТАХТАҲОИ ИТТИЛООТӢ ДАР ФУРУДГОҲИ ДУШАНБЕ

Дар пешайвон ва толорҳои Фурудгоҳи байналмилалии Душанбе тахтаҳои иттилоотӣ барои мусофирон насб  карда шуданд. Акнун мусофирон оид ба раванди бақайдгирӣ пеш аз парвоз, назорати махсус, раванди бақайдгирӣ баъд аз парвоз, хизматрасонии толорҳои тиҷоратӣ ва толори меҳмонони махсус, оид ба интиқоли бор, бағоҷ ва дигар қоидаҳои вобаста ба бахши ҳавопаймоӣ маълумоти муфассал гирифта метавонанд.

Дар тахтаи иттилоотӣ инчунин рўйхати ширкатҳои ҳавопаймоие, ки бо фурудгоҳи Душанбе ҳамкорӣ доранд, мавҷуд аст. Дар сурати пайдо шудани ҳамагуна масъалаи вобаста ба ширкатҳои интиқолдиҳанда мусофирон метавонанд аз рақамҳои телефонӣ дар маълумотнома омада бо масъулини ширкати зарурӣ дар тамос шаванд. Ин шакли хизматрасонии иттилоотӣ барои мусофирон дастрас ва аз чанд ҷиҳат муфид буда, барои  сари вақт  гирифтани иттилоъ кўмак мерасонад.