РАИСИ ХАДАМОТИ МАТБУОТИИ ПРЕЗИДЕНТИ ҶУМҲУРИИ ДОҒИСТОН КУШТА ШУД

Дар Махачкала Раиси хадамоти матбуотии президенти ҷумҳурии Доғистон Ҳорун Қурбоновро парронданд, гузориш медиҳад РИА «Новости» бо истинод ба як манбаъи ҳукуматӣ.

Имрӯз, панҷшанбе 28 июл, соати 08:15 бо вақти Маскав дар кӯчаи Монташев афроди ношинос ба сӯи автомобили Раиси хадамоти матбуотии президенти Ҷумҳурии Доғистон тир кушоданд, ки дар натиҷа Ҳарун Қурбонов ба ҳалокат расид. Бино ба иттилои аввалия қотилон ҳамон вақте тирпаронӣ карданд, ки Қурбонов аз хона ба сӯи мошинаш ҳаракат мекард. Иттилоот дар мавриди ангезаҳои ин куштор ва омилони он мунташир нашудааст.

Қабл аз ин Ҳорун Қурбонов ба ҳайси вазири сиёсатҳои миллӣ, иттилоот ва равобити хориҷаи Ҷумҳурии Доғистон ифои вазифа намудааст.

Ҷаҳонгири Султон, «Рӯзгор»