ҲУШДОРИ ЧИН БА АМРИКО ДАР БОРАИ ФУРӮШИ АСЛИҲА БА ТАЙВАН

Имрӯз 29-уми июл, Ванг И раиси идораи умури Тайван дар давлати Чин ба Амрико ҳушдор додааст, ки фурӯши аслиҳаҳо ба Тайван паёмадҳои хубе нахоҳад дошт, дар ин бора хабаргузории Синхуа хабар медиҳад.

Тибқи хабаргузории Синхуа вай дар як дидор бо гурӯҳи аз коршиносони амрикоӣ таъкид кардааст, ки фурӯши аслиҳа ба Тайван зарбаи ҷиддӣ ба равобити ду кишвар Чин ва Амрико ворид хоҳад кард. Вай гуфт, ки Чин ба шиддат мухолифи ин иқдоми Амрикост.

Мақомоти чинӣ бо гузориши расонаҳо дар бораи эҳтимоли фурӯши ҷангандаҳои F-16-и Амрико ба Тайван гуфт: «Яқин бидонед, ки Чин бо ин фурӯши аслиҳаҳо мухолиф аст».

Вай гуфт: «Ин фурӯши аслиҳа на танҳо ба равобити Чин ва Амрико латма мезанад, балки барои раванди сулҳ ва суббот дар Тайван халал ворид мекунад».

Ванг И мегӯяд: «Ин ки гуфта мешавад, силоҳҳои Чин ба сӯи Тайван нишон гирифтааст, далели надорад. То замоне, ки Тайван эъломи истиқлол накардааст ва бахше аз Чин ба ҳисоб меравад, чаро бояд мавриди таҳдиди низомии Чин қарор бигирад? Ниёзҳои дифоии Чин таҳдиде барои Тайван нест».

Бархе аз гузоришҳо дар расонаҳои ғарбӣ мегӯянд, ки дастёбии Чин барои ҳавопаймоҳои ҷадид ва мушакҳои пешрафта барои Тайван як таҳдид аст.

Дар ин маврид давлати Чин ин гузоришҳоро баҳонае барои ҳамвор кардани масири фурӯши аслиҳаҳои Амрико ба Тайван тавсиф кардааст.