ПОКИСТОН ҲАМКОРИҲОИ ГУСТАРДАИ ҲАСТАИРО БО ЧИН ХОСТОР ШУД

Рӯзномаи «Global Times»-и чинӣ, рӯзи чаҳоршанбе навиштааст, ки Сайид Навид Қамар, вазири федеролии об ва барқи Покистон дар мусоҳибае дар Пекин ин матлабро унвон кардааст.

Вай дар сафорати Покистон дар Пекин гуфт: «Покистон ва Чин бояд ҳамкориҳои бештаре дар арсаи ҳастаӣ дошта бошанд». Вай афзӯд, ба таври куллӣ ду кишвар ба ҳамкории наздиктар ва бештар дар арсаи энергетика ва аз ҷумла ҳастаӣ, барқи ҳароратӣ, газ ва нафт ниёз доранд.

Аввалин нишасти кории энергетикаи Чин ва Покистон рӯзҳои аввал ва дуввми августи ҳафтаи ҷорӣ дар Пекин баргузор шуд ва раёсати муштараки онро Қамар бар ӯҳда дошт. Вай гуфт, ки дар ин нишаст дар бораи роҳҳои густариши ҳамкорӣ дар бахши энергетика, баҳс ва табодили назар шуд ва нишаст бисёр муваффақ будааст.

Арзиши қарордодҳое, ки то поёни соли 2010 мелодӣ муассисоти чинӣ бо тарафҳои покистонӣ имзо карданд, 19 миллиарду 870 миллион доллар эълом шудааст. Чин як миллиарду 360 миллион доллар ба таври мустақим дар Покистон сармоягузорӣ кардааст.

«Рӯзгор»