ЗАВОҲИРӢ: БАҲОРИ АРАБӢ ЗАРБАИ САХТЕ БА АМРИКО БУД
Узви гурӯҳи террористии «Ал-Қоида», инқилобҳои кишварҳои арабиро сабаби тағйири арзёбиҳои Амрико ва зарбаи сахт бар ин кишвар донист.
Тибқи гузориши «Форс», дар паёми сабти забтшудаи ҷадид, Аззавоҳирӣ бо ишора ба инқилобҳои кишварҳои арабӣ эълом карда, ки «баҳори арабӣ» зарбаи шадид бар сиёсатҳои Амрико буд.
Рӯзномаи «Роз ал-Юсуф»-и Миср бо интишори бахшҳои ин суханон навишта, ки Аззавоҳирӣ ба Сурия ишора кард ва гуфт, ки Амрико талош мекунад низоми ҷадиди ҷойгузини низоми Башор Асад дар Сурия кунад, то бад ин тартиб низоми ҷадид ҳофизи манофеъи Амрико ва Исроил бошад ва дар айни ҳол андаке озодӣ низ ба мардум медиҳад.
Бинобар ин гузориш, Аззавоҳирӣ таъкид карда, ки баҳори арабӣ ҳазорон зиндонии ҷунбиши исломиро, ки ба дастури мустақими Амрико дар зиндон буданд, озод кард.
Вай таъкид кард, ки иттифоқот ва инқилобҳои ахири минтақа ҳама арзёбиҳо ва сиёсатҳои Амрикоро барҳам зад ва тағйир дод.
«Рӯзгор»