САФАРИ НАМОЯНДАИ МАХСУСИ ИМА МАРК ГРОССМАН БА ТОҶИКИСТОН

Намояндаи махсуси ИМА оид ба Афғонистон ва Покистон сафир Марк Гроссман барои дарёфти дурнамои Афғонистони бехатар, устувор ва шукуфон ба Тоҷикистон ташриф овард.

Зимни вохӯрӣ бо Президент Эмомалӣ Рахмон сафир Гроссман омодагӣ ба Конфронси бехатарӣ ва ҳамкорӣ, ки дар дили Осиё шаҳри Истанбул 2 ноябр ва Конфронси байналмилалӣ роҷеъ ба Афғонистон, ки дар шаҳри Бонн 5 декабр баргузор мегарданд, муҳокима намуда, барои дастгирии кӯшишҳои НАТО аз тарафи Тоҷикистон изҳори ташаккур кард ва масоили ба ҳарду тараф ташвишоварро баррасӣ намуд. Сафир Гроссман нияти дар оянда давом додани ҳамкориро бо ҳукумати Тоҷикистон такроран изҳор дошт. 

Баъд аз вохӯрӣ бо Президент Эмомалӣ Раҳмон, сафир Гроссман қайд намуд: “Ман миннатдории худро аз дастгирии ҳукумат роҷеъ ба конфронсҳои дар Истанбул ва Бонн баён менамоям. Аз маслиҳатҳои Президент рочеъ ба "Роҳи нави абрешим" низ миннатдорам". 

Дурнамои "Роҳи нави абрешим" ин ӯҳдадориҳои муштарак барои ҷалб намудани сармоягузории шахсӣ, тақвияти савдо ва убури минтақавӣ ва мустаҳкам намудани шабақаи алоқаи минтақавӣ, ки манбаъҳои нави сармоягузории шахсии хориҷиро ҷалб менамояд ва бо бозорҳои хориҷӣ мепайвандад, мебошад. Дар ин муддат захираҳо, бозорҳо, имкониятҳои сармоягузории нав ва шукуфоии тамоми минтақа тавлид мешавад.

«Рӯзгор»