МАРГИ ФОҶИАБОРИ ПАНҶ МУҲОҶИРИ ТОҶИК
Бар асари як садамаи автомобилӣ дар вилояти Твери Русия 5 шаҳрванди Тоҷикистон ҳалок шудаанд. Қурбониён сокинони ноҳияи Зафарободи вилояти Суғд Сафарбек Қушбеков, Зафар Солиҳов, Мурод Тиллоев, Зоҳирҷон Ҷӯраев ва Назирҷон Худойназаров будаанд.
Намояндагии Хадамоти муҳоҷирати Тоҷикистон хабар дод, ки ин садама нимирӯзии 14-уми январ дар километри 113-уми роҳи Торжок-Осташков рух дода, мошини ВАЗ-2109 ба роҳи ҳаракати муқобил баромада, як автобуси мусофирбар бархӯрд, ки дар натиҷа ҳамаи 5 сарнишини мошини сабукрав ҷон бохтанд. Касе аз мусофирони автобус осеб надидааст.
Мақомоти Хадамоти муҳоҷирот дар ҳоли ҳозир дар пайи таҳияи аснод барои фиристодани ҷасади ҳалокшудагон ба Тоҷикистон мебошанд.
«Озодӣ»
