ПУТИН: МАН ВАЗЪИ ДЕМОГРАФИИ РУСИЯРО БЕҲТАР ХОҲАМ КАРД
Владимир Путин, сарвазири кунунӣ ва номзад ба мақоми раиси ҷумҳури Русия дар интихоботи президентии чоруми марти соли ҷорӣ дар мақолаи навбатиаш, ки имрӯз дар рӯзномаи «Комсомольская правда» таҳти унвони «Бунёди адолат.
Сиёсати иҷтимоии Русия» ба нашр расидааст, гуфтааст, ки агар аҳволи мардум бад ин тарзе, ки ҳоло ҳаст дар Русия идома ёбад, аҳолии кишвар то соли 2050 аз 143 миллион нафари кунунӣ ба 107 миллион нафар коҳиш хоҳад ёфт. Дар сурати татбиқи маҷмӯи барномаҳои стротегии «ҳифз намудани аҳолӣ» нуфуси кишвар дар ҳамин давра ба 154 миллион нафар хоҳад расид.
Путин дар мақолааш ду роҳи ба чунин натиҷа расиданро нишон додаст. Якум ин дастгирии оилаҳои серфарзанд мебошад. Ӯ пешниҳод мекунад, ки дар он минтақаҳои Русия, ки сатҳи тавваллуд хеле паст аст, ба оилаҳое, ки фарзанди саввумро таваллуд мекунанд, то сесола шудани ин фарзанд ҳар моҳ тақрибан ба маблағи 7000 рубл ба ин оила кӯмакпулӣ дода шавад. Беҳтар кардани шароити манзилии хонаводаҳое, ки аз ду фарзанд бештар доранд, низ дар назар дошта шудааст.
Дуввум ба танзим овардани сиёсати муҳоҷират дар Русия. Тибқи нақшаи Путин соле бояд тақрибан 300 ҳазор нафар шаҳрванди Русия, ки қаблан ба хориҷа муҳоҷират кардааст, ба кишвар баргардонда шавад.
Путин дар ин мақолааш дар бораи синну соли бознишастагӣ, сиёсати ҳифзи сиҳати омма фикру андешаҳои худро ироа кардааст.
Аз аввали соли ҷорӣ ин панҷумин мақолаи Владимир Путин аст, ки дар бонуфузтарин рӯзномаҳои Русия ба нашр мерасанд ва хусусияти барномавӣ ва таблиғотӣ доранд.
«Рӯзгор»