БОЗДОШТИ ПАНҶ НАФАР АЗ ШАҲРВАНДОНИ ТОҶИКИСТОН БА ЗАННИ ҒОРАТГАРӢ
Хабаргузориҳои Русия аз боздошти панҷ нафар аз аъзои як гурӯҳе, ки дар устони Ленингрод ба ғорат даст мезаданд, хабар додааст. “Ростбалт”, хабаргузорие дар шаҳр Сан-Петерзбург, аз қавли кормандони пулиси ин шаҳр навиштааст, ки ҳамаи ин афрод аз ҷумлаи шаҳрвандони Тоҷикистон будаанд.
Ҳамчунин пулиси Русия гуфтааст, ки таҳқиқоти онҳо мушаххас кардааст, ки ин афрод аз моҳи ноябри соли 2011 то авосити феврал дар шаҳристони Виборгскийи устони Ленингрод, муҳоҷирони хориҷӣ, аз ҷумла сокинони кишварҳои Осиёи Миёна ва Қафқозро ғорат мекардаанд.
Масъулони пулиси Русия гуфтаанд, ки маъмулан ин афрод шабона муҳоҷиронро дар макони зисташон бо ҷоқу таҳдид карда ва сармояву амволи гаронқимати онҳоро ба сирқат мебурдаанд.
Таҳқиқот дар робита бо ин қазия идома дошта ва пулис гуфтаст, ки то кунун кормандони интизомӣ шаш ҷурми ин гурӯҳи, ба гуфтаи онон, табаҳкорро ошкор кардаанд.
Гуфта мешавад, ки дар ҳоли ҳозир дар зиндон ва боздоштгоҳҳои Русия ҳудуди панҷ ҳазор нафар аз сокинони Тоҷикистон ба сар мебаранд, ки бештари онҳо ба иттиҳоми қочоқи маводди мухаддир зиндонӣ шудаанд.
Би-Би-Си