"КОММЕРСАНТ" СӮИҚАСД БА ҶОНИ ПУТИНРО ЗЕРИ ШУБҲА БУРД

Муфаттишони украин дар мавриди он ки се нафари аввалҳои моҳи март дар шаҳри Одесса боздоштшуда дар пайи таҳияи сӯиқасд ба ҷони сарвазири Русия Владимир Путин буданд, иттилои комил надорад.

Нашрияи «Коммерсант», чопи Маскав, имрӯз бо такя ба гуфтаҳои муфаттишон навишт, ки ин гурӯҳ воқеъан ҳам мехост дар қаламрави Русия ҳамлаи террористӣ анҷом диҳад ва аммо гап на сари сӯиқасд ба ҷони ягон кас, балки сари харобкории иқтисодӣ мерафт.

Дар арафаи интихоботи раёсатҷумҳурии Русия шабакаи аввали телевизиони ин кишвар хабар дод, ки Ослонбек ва Адам Осмаевҳо ва Иля Пянзин бо амри раҳбари ҷангиёни Қафқоз Доку Умаров мехостанд корвони мошинҳои Владимир Путинро тарконанд.

«Озодӣ»