04:40:45 20-уми Майи 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Май 2024 > >>
Дш Сш Чш Пш Ҷм Шб Яш
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

ОҒОЗИ ПАРВАНДАИ "РАБУДА" ШУДАНИ "ҚОРӢ ВОСИТ" ДАР РУСИЯ

Матбуоти Русия аз боз шудани парвандаи рабуда шудани шаҳрванди Тоҷикистон Абдулвосит Латифов дар хоки ин кишвар, хабар дод. Расонаҳои русӣ мегӯянд, Шӯъбаи тафтишотии Раёсати ҷустҷӯии Кумитаи бозрасии Русия дар ноҳияи Городишинои вилояти Волгоград, дар робита ба рабуда шудани Қорӣ Восеъ, собиқ фармондеҳи мухолифини пешини тоҷик, парванда боз кардааст.

/images/stories/2012/12/04_qori-vosit-41212.jpgИн парванда дар ҳоле боз мешавад, ки аз рабуда шудани Абдулвосит Латифов беш аз як моҳ мегузарад. Ба дунболи нопадид шудани "Қорӣ Восит" дар қаламрави Русия,  ҳамсараш дар сӯҳбат ба мо гуфта буд, ки ба таври расмӣ мақомоти Русияро дар ҷараён гузоштааст, аммо то ба ҳол фарзияеро дар мавриди нопадид шудани вай ироа накардаанд.

Аммо Шӯҳрат Қудратов, вакили мудофеи Абдулвосит Латифов, рӯзи 4-уми декабр ба мо гуфт, ки аз оғози бозрасии парвандаи рабуда шудани Қорӣ Восит дар Волгоград, аз тариқи расонаҳои хабарӣ огоҳ шудааст.

Абдулвосеъ Латифов, ки дар яке аз бӯстонсароҳои ноҳияи Городишинои Волгоград зиндагӣ мекардааст, рӯзи 20-уми октябр аз тарафи як гурӯҳ афроди мусаллаҳи ношинос рабуда шуд.

Пас аз як ҳафтаи рабуда шудани Қорӣ Восит модари ӯ, Латофат Имомова, ба мо гуфт, ки аз як манбаъ дар Вазорати умури дохилии Тоҷикистон фаҳмидааст, писараш феълан дар Душанбе ҳаст. Ӯ гуфт, ҳамон тавре ки огоҳ шудааст, Қорӣ Восит рӯзи 24-уми октябр, аз Русия ба Тоҷикистон интиқол ёфтааст.

Аммо ба муроҷиати расмии вакили мудофеи Қорӣ Восит ҳам Кумитаи амнияти миллӣ ва ҳам Додситонии кулли Тоҷикисон расман посух доданд, ки Абдулвосит Латифов ба Тоҷикистон интиқол дода нашудааст ва дар кадом пинҳонгоҳи вазорати умури дохила ва ё кумитаи амнияти миллӣ нигоҳдорӣ намешавад.

Сарҳанг Раҳматулло Нӯъмонов, сардори Раёсати кофтукови ҷиноии Вазорати умури дохилии Тоҷикистон низ ба мо гуфт, хабари нопадид ва гӯё ба Тоҷикистон интиқол ёфтани Абдувосит Латифов воқеият надорад.

«Озодӣ»



Назари Шумо

Security code
навсозӣ

Дуои борон

sultoni-qalbho
askshoi-khotiravi