НАМОИШГОҲИ БАЙНАЛМИЛАЛИИ КИШОВАРЗӢ ДАР ХАТЛОН
Имрӯз, сафири ИМА Сюзан Эллиотт, муовини Сарвазир Муродалӣ Алимардон ва раиси вилояти Хатлон Ғайбулло Афзал ба дуввумин намоишгоҳи байналмилалии маҳсулоти кишоварзӣ - “Агро-Экспо Хатлон 2013” дар шаҳри Қурғонтеппа ифтитоҳи расмӣ бахшиданд.
Намоишгоҳи мазкур деҳқонон, тоҷирони кишоварзӣ, институтҳои молиявӣ, тоҷирони хориҷӣ ва дохилии маҳсулоти кишоварзиро бо мақсади густариш додани муносибатҳои тиҷоратӣ ва рушди савдо ба ҳам меоварад. Дар давоми ду рӯзи намоишгоҳ интихоби васеи дастгоҳҳо ва маҳсулоти кишоварзӣ пешкаши меҳмонон гардида, иштирокчиён дар семинар-машвартҳо оид ба рушди тиҷорати кишоварзӣ ширкат меварзанд.
“Намоишгоҳи имрӯза ба ҳамкории зич миёни деҳқонон ва намояндагони соҳаи тиҷорати кишоварзӣ мусоидат менамояд, муносибатҳои тиҷоратиро миёни таъминкунандагони хориҷӣ ва дохилии маҳсулоти кишоварзӣ густариш дода, маҳсулоти кишоварзиро дар ноҳияи Хатлон меафзояд. Инчунин намоишгоҳи мазкур сатҳи дониши деҳқононро оид ба маҳсулоти баландсифати мавҷудбуда меафзояд”- қайд кард сафир Эллиотт дар суханронии хеш.
Барномаи USAID оид ба рушди самаранокии соҳаи кишоварзӣ яке аз лоиҳаҳои сершумори кӯмакрасон мебошад, ки аз ҷониби мардуми Амрико амалӣ мегардад. Аз соли 1992 инҷониб мардуми Амрико тавассути барномаҳо ва кӯмакҳои башардӯстона барои дастгирӣ намудани ниҳодҳои демократӣ, соҳаҳои тандурустӣ, маориф ва рушди иқтисодии Ҷумҳурии Тоҷикистон маблағи 1 миллиард доллари ИМА-ро ҷудо намудааст.
“Рӯзгор”