21:03:38 12-уми Июли 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Июл 2020 > >>
Дш Сш Чш Пш Ҷм Шб Яш
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

Воҳидҳои пойгоҳи 201-ро аз Кӯлобу Қӯрғонтеппа берун мебаранд?


Дар сурати ҳукми и
ҷро гирифтани созишномаи шароити ҳузури пойгоҳи низомии Русия, масъалаи аз шаҳрҳои Кӯлобу Қӯрғонтеппа берун бурдани воҳидҳои низомии пойгоҳи 201-ум баррасӣ мешавад. Масъалае, ки солҳои тӯлонӣ баҳсу кашмакаш дар атрофи он идома дошт.

tank-20042013Дар созишномаи мақом ва шароити ҳузури пойгоҳи низомии Русия дар Тоҷикистон, ки рӯзи ҷумъа 19 апрел дар Думаи Давлатӣ, палатаи поёнии порлумони Русия тасвиб кард, зикр шудааст, ки ду тараф метавонанд, масъалаи “берун бурдани воҳидҳои низомии пойгоҳ аз қаламравҳои маъмурии шаҳрҳоҳи Кулоб ва Қӯрғонтеппаи вилояти Хатлонро” дар муддати 5 сол баррасӣ кунанд.

Ҳузури воҳидҳои низомӣ дар дили ду шаҳри ҷанубӣ ва аз шаҳрҳои бузурги Тоҷикистон солҳои дароз баҳс барангехта ва сабаби норизоиятии мардуми маҳаллӣ низ шудааст. Мақомот мегуфтанд, ки ҳеҷ кишваре дар байни шаҳр воҳиди низомиро ба далели амниятӣҷойгир намекунанд ва дигар ин ки ҳаракати зиреҳпӯшу тонк, роҳҳои ҳарду шаҳрро вайрон кардааст ва ҳузури низомии зиёд дар дохили шаҳр эҳсоси ноамнӣ дар дили сокинону меҳмононро бедор мекунад.

Аз дохили партовҳои воҳидҳои низомии Русия дар ҳарду шаҳр аҳёнан маводи тарканда ҳам ёфтаанд, ки ба марги чанд сокини маҳаллӣ ҳам сабаб шудааст. Моҳи декабри соли гузашта мақомоти Кӯлоб гуфта буданд, ки як мошини мутаалиқ ба низомиёни Русияро боздошт карданд, ки партобро ба дохили рӯдхонаи Ёхсу мерехт ва дар натиҷа кор то ба раҳбарияти пойгоҳи низомӣ кашид ва баъд аз он чунин ҳодисаҳо такрор нашуд.

Қабл аз имзои созишнома дар бораи шароит ва ҳузури пойгоҳи низомии Русия дар Тоҷикистон, корбарони шабакаҳои иҷтимоӣ ба мисли Фейсбук дар номаи дастаҷамъие ба унвони раиси ҷумҳур ва Маҷлиси Олии Тоҷикистон хоста буданд, ки воҳидҳои низомии пойгоҳи Русия, ки бештар аз 7 ҳазор сарбоз дорад, аз Кӯлобу Қӯрғонтеппа ба дигар маҳалҳо кучонда шавад, зеро вуҷуди онҳо вуҷуди онҳо дар манотиқи сераҳолӣ ба манфиати мардум нест.

Дар чанд соли пеш ҳангоми аз маркази Душанбе, пойтахти Тоҷикистон ба ҳошияи шаҳр кӯчондани низомиёни рус, матбуоти расмиву мустақили Русия ғавғову ҳаёҳуеро барпо карда ва гуфта буданд, ки “русҳоро аз маркази Душанбе” меронанд.

Аммо то замони баҳси аз маркази Кӯлобу Қӯрғонтеппа берун бурдани воҳидҳои низомии пойгоҳи 201-уми Русия, роҳи дарозе дар пеш аст, зеро созишнома дар бораи ҳузури ин пойгоҳ дар порлумони Тоҷикистон тасвиб нашудааст ва маълум нест, ки кай ба дасти Маҷлиси Намояндагон хоҳад расид.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi