Духтари ҷавон дар Хатлон таҷовузгари солмандро ба додгоҳ кашид

Додгоҳи ноҳияи Қубодиёни як марди солмандро дар сӯйиқасд ба таҷовузи духтари 18-сола муҷрим шинохта ва ӯро ба чаҳор солу се моҳ зиндон маҳрум кард. Аллабердӣ Чоршанбеви 60-сола тибқи моддаҳои 138 ва 147, яъне сӯйиқасд ба таҷовуз ва ғайриқонунӣ ворид шудан ба манзил муҷрим шинохта шуд.

Абдураҳим Абдуназаров, қозии ин парванда мегӯяд, Аллабердӣ Чоршанбев роҳбари як шикати кишовазӣ дар ин ноҳия будааст, ки ба манзили корманди бемори ширкаташ ворид шуда ва талош ба таҷовуз ба номуси ӯ кардааст. Оқои Абдуназаров ба Би-би-сӣ гуфт, ин духтари ҷавон, ки ҳоло дар бистари беморӣ будааст ба марди солманд муқовимат карда ва тавонистааст, худро аз дасти марди 60 сола раҳо кунад. Ӯ сипас ба кормандони додситонии ноҳия дар ин бора хабар додааст.

Гуфта мешавад, духтари ҷавон ҳангоми муқовимат бо таҷовузгар як ангушти Аллабердӣ Чоршанбевро газида ва ӯро захмӣ кардааст. Кормандони интизомӣ ба ҳангоми таҳқиқоти парванда ин захми марди солмандро ба унвони нишонаи аслии ҷурми содиркардаи вай пазируфтаанд.

Дар навоҳии дигар вилояти Хатлон низ парвандаҳои мушобеҳ дар бораи даст задани мардони солманд ба таҷовузи духтарон ва ҳатто арӯсон сабт шудааст ва иддае аз таҷовузгарон муҷрим шинохта шуда ва маҳкум ба ҳабс шудаанд.

Би-Би-Си