Навоз Шариф ҳамлаи мушакии Амрикоро маҳкум кард
Нахуствазири ояндаи Покистон Навоз Шариф ҳамлаи ҳавопаймои бесарнишини Амрикоро, ки муҷиби кушта шудани фармондеҳи дуввуми Толибон дар Покистон шуда буд, маҳкум намуд.
Навоз Шариф дар баёнияе, ки рӯзи ҷумъа аз ҷониби дафтари матбуотии худ интишор дод, ҳамлаи ҳавопаймои бесарнишинро нақзи қонунҳои байналмилалӣ ва беэҳтиромӣ ба истиқлолияти Покистон номид. Муаллифи баёния ишорае ба Валӣ ур-Раҳмон, роҳбари баландрутбаи Покистон, ки дар ин ҳамлаи мушакӣ ҳалок шудааст, накардааст.
Қарор аст рӯзи чоршанбе Навоз Шариф баъди пирӯзиии ҳизбаш дар интихоботи парламонии гузашта расман ба ҳайси нахуствазир қасам ёд кунад.