Таронасарои ваҳдат
Вохӯрие, ки дар арафаи Рӯзи ваҳдати миллӣ шоира Меҳринисо дар маҷлисгоҳи Китобхонаи миллии кишвар бо намояндагони шӯроҳои ҷамъиятӣ, ҳизбҳои сиёсӣ, роҳбарони макотиби таҳсилоти умумӣ, адибону рӯзноманигорон ва мухлисони шеъру тарона баргузор намуд, дар доираи тадбирҳои андешидаи роҳбарияти ин кохи маърифат ба муносибати ин санаи муҳими таърихӣ ороста шуд.
Дар ин ҳамоиш Меҳринисо Бобобекова, ин шоираи ватангаро ва ваҳдатсаро андешаҳои ҷолиб ва беҳтарин намунаҳои ашъори хешро дар мавзуъҳои мазкур ба ҳозирин пешкаш кард. Санъаткорони машҳури кишвар Мастона Эргашева, Қурбоналӣ Раҳмонов, Ортиқи Қодир, Аҳмадҷон Муҳаммадиев, Сабоҳат Наҷмиддинова, Ҳотами Равшан, Хуршед Иброҳимов ва дигарон базми шеъру таронаро бо ҳунари волои хеш шукуҳ бахшиданд. Ифтихори ватандорӣ, ваҳдати миллӣ, таҳкими сулҳу салоҳ ва дӯстии мардумони диёр, воқеан ҳам, дар эҷодиёти шоира Меҳринисо аз мавзӯъҳои марказӣ маҳсуб меёбанд. Маҳфили хотирмони онрӯза ин андешаро собит намуд.
"Фирӯза"
Бознашр аз ҳафтаномаи «Рӯзгор» №22, 09 илни соли 2014