ТОНИ БЛЕР: ҶАНГИ ИРОҚ ИҚДОМИ ДУРУСТЕ БУД

Тони Блер (Tony Blair), нахуствазири собиқи Бритониё, бо ҳимоят аз ҷанги Ироқ исрор кард, ки ҳарчанд дар ин кишвар силоҳҳои куштори ҷамъӣ ёфт нашуд, вале ҷанги Ироқ кори дурусте будааст.

Оқои Блер дар мусоҳиба бо Би-би-сӣ гуфт агар медонист дар Ироқи замони Саддом силоҳҳое аз ин даст вуҷуд надошт, барои муқобала бо таҳдиди Саддом Ҳусейн аз тавҷеҳоти дигаре истифода мекард. Арзёбии иттилоъотии Бритониё аз вазъи низомии Ироқ, ки дар сентябри соли 2002 мунташир шуд, нишон медод артиши ин кишвар 45 дақиқа пас аз судури фармони Саддом Ҳусейн қодир ба истифода аз силоҳҳои куштори ҷамъист.

Ӯ афзуд, ки раҳбари вақти Ироқ як таҳдиди минтақаӣ буд ва аз силоҳҳои шимиёӣ алайҳи мардуми худ истифода карда буд. Қарор аст нахуствазири собиқи Бритониё соли оянда дар таҳқиқи марбут ба Ҷанги Ироқ дар Бритониё ширкат кунад. Таҳқиқ дар мавриди ширкати Бритониё дар Ҷанги Ироқ аз авохири моҳи ноябр дар Ландан оғоз шудааст.

Илова бар оқои Блер шуморе аз диплумотҳо ва мақомҳои баландпояи низомӣ ва иттилоъотии Бритониё дар иртибот бо мудохилаи Бритониё дар Ҷанги Ироқ бо ҳузур дар ҳайъати таҳқиқи мустақил тавзеҳоте хоҳанд дод. Аъзои кумитаи таҳқиқ тавассути Гурдун Броун (Gordon Brown), нахуствазири Бритониё интихоб шудаанд ва ҳамин амр сабаб шуда, ки дар бораи мустақил будани ин кумита суолоте матраҳ шавад.

Дар кумитаи таҳқиқ Ҷон Чилкот, Мортин Гилберт Мурих, Рудерик Лойн, диплумоти собиқ, Лоренс Фридман, муҳаққиқи масоили ҷангӣ ва Ушо Прошор, коршиноси масоили ҳуқуқӣ ва қонунӣ, ширкат доранд.

маъмурияти ҳайъати таҳқиқ баррасии ин мавзӯъ аст, ки чигуна тасмими ширкати Бритониё дар ҷанги Ироқ гирифта шуд. Наҳваи бархӯрди Бритониё бо муноқишаи Ироқ ва шаш сол ишғоли ин кишвар аз дигар мавзӯъотест, ки ҳайъати таҳқиқ онро барарсӣ хоҳад кард.

Би-Би-Си

Адреси доимии маводи мазкур: http://www.ruzgor.tj/ravzanabajaxon/1300-toni-bler-jangi-irok-ikdomi-duruste-bud.html