05:40:31 03-уми Декабри 2020 сол
"РӮЗГОР" - "RUZGOR"
1,477 аъзо
Ҳамроҳ шудан ба гурӯҳ
Ба гуруҳи мо "РӮЗГОР" ва "Ruzgor CINEMA" дар фейсбук обуна шавед! Бо мо будан боз ҳам дурахшон сохтани рӯзгори хеш мебошад. Мо бо маводҳои...
Ahmad Zahir - banner 2015
 
 collage-You-ube-Ruzgor

Qissahoi hijrat - 2015
 
1.banner grunger 2019

Тақвим

<< < Декабр 2020 > >>
Дш Сш Чш Пш Ҷм Шб Яш
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31      

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

ЭЪТИРОЗИ ШАДИДИ МӮСАВӢ БА НАТИҶАҲОИ ИНТИХОБОТ

 

Мирҳусайни Мӯсавӣ, номзади ислоҳталаб ба интихоботи раёсатҷумҳурии Эрон, натоиҷи эълоншудаи ин раъйдиҳӣ ва пирӯзии рақибаш Маҳмуди Аҳмадинажодро эътироф намекунад. Мирҳусайни Мӯсавӣ гуфтааст, ки ӯ алайҳи тақаллуботи хеле ошкор дар ҷараёни раъйдиҳии рӯзи ҷумъа шадидан эътироз кард, афзудааст, ки “мо ба чунин шӯъбадабозии хатарнок тан дар нахоҳем дод.” 

Мӯсавӣ ҳамчунин ҳушдор дода, ки чунин тахаллуфоти интихобот дар ниҳоят мунҷар ба рӯи кор омадани як низоми “истибдодӣ” дар Эрон хоҳад шуд.

Бино бар иттилоъи ниҳодҳои интихоботиии Эрон, бар асоси шумориши аксарияти кулли оро, дар раъйдиҳии рӯзи 12 июн бо касби 65 дарсади оро раисиҷумҳури кунунӣ Маҳмуди Аҳмадинажод баранда шуда, Мӯсавӣ танҳо ба 32 дарсади раъйи мувофиқи мардум даст ёфтааст.

Бо ин ҳол, тарафдорони Аҳмадинажод алакай ба кӯчаву хиёбонҳои Теҳрон рехта, ба таҷлили пирӯзии ӯ оғоз кардаанд. Мӯсавӣ ба навбаи худ даъво дорад, ки бо вуҷуди "тахаллуфот" дар раъйигирии рӯзи 12 июн ӯ пирӯз шудааст. 

Вазорати кишвари Эрон мизони мушорикати мардум дар интихоботи рӯзи 12 июнро ҳудуди 80 фоиз баровард кардааст, ки дар таърихи Эрон собиқа надоштааст.

Дар интихоботи раёсатҷумҳурии Эрон ба ҷуз аз Маҳмуди Аҳмадинажод ва Мирҳусайни Мӯсавӣ, ки ду номзади аслӣ маҳсуб мешуданд, ҳамчунин Маҳдии Каррубӣ, раиси собиқи парлумони Эрон, ва Ҳусайн Ризоӣ, фармондеҳи пешини Сипоҳи посдорони инқилоби исломӣ, вориди рақобат шуда буданд. Вале ба гуфтаи мақомоти интихоботии Эрон, мизони ҳимояти мардум аз он ду номзади дигар хеле ночиз ва камтар аз 2 дарсадӣ будааст.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi