СУҚУТИ ҲАВОПАЙМОИ РАИСИҶУМҲУРИ ПОЛША ДАР РУСИЯ
Бино ба иттилои расида аз Русия, ҳавопаймои ҳомили раисиҷумҳури Полша Лех Качинский дар минтақаи фурӯдгоҳи Северний, воқеъ дар вилояти Смоленски Русия, суқут кардааст. Вазорати ҳолатҳои фавқулоддаи Русия хабар додааст, ки дар ин садама 87 сарнишини ҳавопаймо кушта шудаанд. Дафтари матбуотии раёсатҷумҳури Полша гуфтааст, ки президенти ин кишвар Лех Качинский ҳамроҳ бо як ҳайати баландпоя дар ин ҳавопаймо будаанд.
Дар бораи сарнавишти раисиҷумҳури Полша то ин соат ягон иттилоъ пахш нашудааст. Лех Качинский мебоист имрӯз дар маросими ёдбуди қурбониёни «Катин» дар Смоленски Русия ширкат мекард. Катин деҳкадаест дар вилояти Смоленски Русия. Бино ба сарчашмаҳои таърихӣ, соли 1940 низомиёни шӯравӣ дар ин деҳа беш аз 21 ҳазор асири лаҳистониро ба қатл расондаанд.
«Озодӣ»
Адреси доимии маводи мазкур: http://www.ruzgor.tj/ravzanabajaxon/2088-2010-04-10-09-34-26.html
Рӯзномаи «РӮЗГОР»
Китобхонаи эллектрони
Аксҳо
Наворҳо