02:45:03 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

СӮҲБАТИ ТЕЛЕФОНӢ БО МАҲБУСИ ЭРОН

 

Дар як сӯҳбати телефонии кӯтоҳ Исо Саҳархез, рӯзноманигори шинохта ва собиқ мансабдори баландпояи Вазорати фарҳанги Эрон ба аҳли оилааш гуфтааст, ки аснои ҳабс чанд қабурғаашро шикастаанд. Саҳархез чоруми июл дар қисмати Шимолии Эрон ҳангоми таъқиби эътирозҳои баъди интихоботии Ҷумҳурии Исломӣ дастгир шуд. 

Ӯ дар маъракаи пешазинтихоботии номзади ислоҳотталаби курсии раёсатҷумҳурии Эрон Маҳдии Каррубӣ ширкат варзида, раҳбари олии Эронро танқид кардааст. Дар як мусоҳибаи телефонӣ бо хабарнигори Радиои Озодӣ Гулнози Исфандиёрӣ писари Исои Саҳархез Меҳдии Саҳархез аз шаҳри Ню Йорк дар бораи сӯҳбати телефонӣ бо падараш нақл кард. 

Маҳдии Саҳархез писари Исои Саҳархез рӯзноманигори маъруф ва собиқ ходими баландпояи вазорати фарҳанги Эрон мегӯяд, ки 23 июл падараш имкон ёфтааст, ки тариқи телефон аз зиндон ба аҳли хонаводаашон ҳамсӯҳбат шавад. 

Ба қавли Маҳдӣ дар сӯҳбат падараш нагуфт, ки дар кадом яке аз зиндонҳои ин кишвар ба сар мебарад. 

Сар аз 22 июл Маҳдии Саҳархез ҳамроҳ бо дигар фаъолони ҳуқуқи башар, равшанфикрон ва ҳунармандон дар рӯ ба рӯи қароргоҳи СММ дар шаҳри Ню-Йорк бо талаби раҳоии боздоштшудагон ва нишони ҳамръйӣ бо мардуми Эрон гуруснанишинӣ эълон кардааст. 

Маҳдии Саҳархез мегӯяд, аз эҳтимол дур нест, ки маҳбусон дар бораи эътироз дар шаҳри Ню Йорк хабар надошта бошанд, вале садои "Оллоҳу Акбар!", ки ҳар шаб ба гӯшашон мерасад, барои онҳо хабари хуш аст.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi