ҚАЗЗОФӢ ХОҲОНИ МУҚОБИЛА БО ИНҚИЛОБЧИЁН ШУД

Имрӯз, 21 август, Муаммар Қаззофӣ, диктатори Либия бо тамасхур гирифтани инқилобчиён аз ёрон ва тарафдорони худ хост, ки ба муқобилияти ҷиддӣ бо мухолифон дар шаҳри Таробулс ва дигар манотиқи ин кишвар бипардозанд.

Тибқи хабаргузории «Ирно», ба нақл аз шабакаи хабарии «Алҷазира», Қаззофӣ зимни ин ки мухолифони худро шӯришиву муш ва тарсу хонд, таъкид кард, ки онҳо дар миёни шаҳрҳои мухталифи Либия дар ҳаракат ҳастанд ва дар айни замон иддаои ба даст гирифтани контроли шаҳрҳоро доранд, вале аз шаҳрҳои дигар монанди муш мегурезанд.

Вай дар идома бо ишора бар ин ки ҷавонони Либия бар ӯ вафодор ҳастанд ва ба сари ӯ қасам ёд мекунанд, таъкид кард, ки Никола Саркозӣ, президенти Фаронса ва Ғарб талош мекунанд, ки нафти ин кишварро ба ғорат бибаранд.  

Диктатори Либия дар идома иддао кард, ки шӯришиён мардумро метарсонанд ва ононро маҷбур мекунанд, ки фарзандони худро ташвиқ ба пайвастан ба мухолифон кунанд, бояд донист, ки онҳо намояндаи мардуми Либия нестанд.

Вай инқилобиҳои мавҷуд дар Таробулсро муттаҳам ба сӯи истифода аз масоҷид кард ва гуфт: «Онҳо аз дохили масҷид барои ҳавопаймоҳои Нато қарсак ва садо мекашанд ва дар ташвиқ ба идомаи ҳамлаҳои онҳо ба Либия, Аллоҳу Акбар мегӯянд».

Қаззофӣ дар поён аз мардум хост, ки ба сурати гурӯҳҳои миллионӣ барои озодсозии Либия ва ба қавли ӯ поён бахшидан ба ин ба истилоҳ масхарабозиҳо вориди кор шаванд, зеро марги якбора марги тадриҷӣ аст.

Ин суханони Қаззофӣ ба сурати як навори видеоӣ дар телевизиони расмии Либия пахш шуд ва дар он мухолифони худро муттаҳам ба талош барои вайрон кардани кишвар ва нобудии миллат кард.

Шоёни зикр аст, ки Абдусаломи Ҷалуд марди шумораи дуввуми режими Қаззофӣ бо пайвастан ба инқилобчиён низ дар паёми хитоб ба нерӯҳои Қаззофӣ гуфт: «Шумо барои режиме бо мардуми худ меҷангед, ки дар бистари марг қарор дорад ва нафасҳои охири худро мекашад, шумо бояд даст аз ҳимояти Қаззофӣ бардоред ва ба ҷомеаи инқилобчиён бипайвандед».

Шабакаи хабарии «Алҷазира» дар поёни хабар аз боздошти 35 нафар аз нерӯҳои Қаззофӣ хабар дод.

«Рӯзгор»