НАТИҶАҲОИ НАХУСТИНИ ИНТИХОБОТ ЭЪЛОН ШУД

Садди панҷдарсадиро аз рӯйхати ягонаи умумиҷумҳуриявӣ танҳо се ҳизб - ҲХДТ, ҲНИТ ва ҲКТ убур карданд. Бар тибқи маълумоти пешакии Комиссияи марказии интихобот ва раъйпурсии Тоҷикистон, шумори раъйҳое, ки 8 ҳизби сиёсии кишвар дар интихобот аз ҳавзаи ягонаи умумиҷумҳуриявӣ ба даст овардаанд, чунин аст:

Ҳизби халқӣ-демократии Тоҷикистон - 71,69 %

Ҳизби наҳзати исломии Тоҷикистон - 7, 74 %

Ҳизби коммунисти Тоҷикистон - 7,22 %

Ҳизби ислоҳоти иқтисодии Тоҷикистон - 4,69 %

Ҳизби кишоварзии Тоҷикистон - 4,4 %

Ҳизби демократии Тоҷикистон - 0,84 %

Ҳизби сотсиал-демократи Тоҷикистон - 0,72 %

Ҳизби сотсиалистии Тоҷикистон - 0, 47 %

Бар асоси қонун, танҳо он аҳзобе аз феҳрасти ягонаашон ба порлумон роҳ меёбанд, ки садди панҷдарсадиро убур карда бошанд. Бад ин тартиб, аз феҳрасти ягонаи умуҷумҳуриявӣ ҲХДТ, ҲНИТ ва ҲКТ дар порлумони соли 2010 намоянда хоҳанд дошт. Аз 63 вакили Маҷлиси намояндагон 22 нафараш аз феҳрасти ягонаи умуҷумҳуриявӣ вориди порлумон мешавад ва 41 нафари дигар аз тариқи ҳавзаҳои интихоботӣ.