20:11:26 29-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Март 2024 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

ТОҶИКИСТОН ХОСТОРИ ЛАҒВИ ИЛОВАҲОИ ҚОНУНИ ҶЕКСОН-ВЕНИК ШУД

Сафири Тоҷикистон дар Амрико дар нишасте бо Созмони Ҷаҳонии Тиҷорат хост, ки иловаҳои қонуни Ҷексон-Веникро барои Тоҷикистон лағв кунанд.

/images/stories/2013/02/14_hukumat-140213.jpgДар ин нишаст, ки намояндагони доираҳои тиҷоратии Вашингтон ва ҳам сафирони кишварҳои Осиёи Марказӣ ширкат доштанд, Нуриддин Шамсов, сафири Тоҷикистон дар Амрико аз доираҳои тиҷоратии Амрико хост, ки ба Тоҷикистон кӯмак кунанд, то ин кишвар аз қонуни Ҷексон-Веник озод бошад ва ба мамонеаҳое, ки ин қонун пешбинӣ мекунад, дучор нашавад.

Охири соли 2012 Тоҷикистон баъди талошҳои 11-солааш ба узвияти Созмони Ҷаҳонии тиҷорат шомил  ва  ӯҳдадор шуд, ки фазои бози тиҷорат ба вуҷуд меорад ва ҳамгироиаш бо тиҷорати ҷаҳониро суръат мебахшад.

Нуриддин Шамсов гуфт, ки "ҳукумати Тоҷикистон иродаи азми қавӣ дорад, марҳилаи гузор ба бозори иқтисодиро комилан такмил кунад, ки он ҷавобгӯи муқаррароти тиҷорати ҷаҳонӣ бошад".  Ба қавли ӯ, Тоҷикистон пеш аз ҳама "ба он бартарӣ медиҳад, ки ба истиқлоли энержӣ, амнияти ғизоӣ даст ёбад ва аз монеаҳову мушкилоти рафту омад ва интиқоли коло раҳо шавад, зеро он кишварест, ки дар бунбаст қарор дорад".

Қонуни Ҷексон-Веник дар соли 1974 дар Амрико ба тасвиб расид ва он вақт ҳадафаш кишварҳои Шӯравии пешин буданд, ки бозори озоди иқтисодӣ надоштанд ва метавонистанд ба муносиботи тиҷоратии Амрико зарар расонанд.

Ҳоло кишварҳои Шӯравии пешини Осиёи Марказӣ, аз ҷумла Тоҷикистон мехоҳанд дар чаҳорчӯбаи ҳамкорӣ бо Созмони Ҷаҳонии Тиҷорат ва чун узви ин созмон бо Амрико тиҷорати озод дошта бошанд.

Замоне, ки Қонуни тиҷорати Амрико бо номи қонуни Ҷексон-Веник ба тасвиб расид, дар кишварҳои Шӯравии пешин озодии муҳоҷират ва баъзе ҳуқуқҳои башар маҳдуд буд. Ҳоло кишварҳои Осиёи Марказӣ дар тиҷорати худ озоданд ва мехоҳанд мамнуиятҳоеро, ки қонуни Ҷексон-Ваник замоне пешбинӣ карда буд, лағв шавад. Ин илова ба қонун бо исми ташаббускоронаш - конгрессменҳо Ҳенрӣ Ҷексон ва Чарлз Веник қабул шудааст.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi