РУСИЯ МИЗБОНИ ЧЕМПИОНАТИ ҶАҲОН ДАР СОЛИ 2018 ШУД

Русия ҳуқуқ пайдо кард, ки чемпионати ҷаҳон оид ба футболро дар соли 2018 дар кишвараш баргузор намояд.

Дар ин бора имрӯз, 2-уми декабр, президенти ФИФА  Йoзеф Блаттер дар маросими расмие, ки  навакак дар Сурихи Швейтсария ба поён расид, хабар дод. Русия дар сабқате, ки байни  дигар кишварҳои довталаб, яъне Англия, Испания-Партугалия дар якҷоягӣ ва Белгия- Голландия дар якҷоягӣ дар масъалаи ба даст овардани ҳаққи гузаронидани ин чемпионат доир гардид, ғолиб дониста шуд.

Масъулини футболи Русия эълон доштанд, ки бозиҳои чемпионати ҷаҳон дар соли 2018 дар шаҳрҳои Масква, Қазон ва Сочи баргузор мегарданд. Дар ҳамин маросим инчунин эълон шуд, ки чемпионати ҷаҳон оид ба футбол  дар соли 2022 дар Катар баргузор хоҳад шуд.

«Рӯзгор»

Адреси доимии маводи мазкур: http://www.ruzgor.tj/javonon-va-varzish/3740-------2018-.html