ДАСТАИ «РАВШАН»-И ШАҲРИ КӮЛОБ ҚАҲРАМОНИ ЛИГАИ ОЛИИ ТОҶИКИСТОН
Чуноне, ки мухлисони футбол огоҳӣ доштанд, имрӯз дар варзишгоҳи марказии шаҳри Душанбе, бозии мавкуфгузоштаи футболи лигаи олии ҷумхурӣ байни дастаи «Истиқлол»-и шаҳри Душанбе ва дастаи «Равшан»-и шаҳри Кӯлоб баргузор гардид.
Барои қаҳрамон шудан дар лигаи олӣ ба дастаи «Равшан» факат ғалаба лозим буд. Ҳамин буд, ки бозингарони дастаи «Равшан» бозии хуб нишон дода, дастаи рақиб «Истиклол»-ро бо ҳисоби 2:1 шикаст дода, аввалин маротиба қаҳрамони футболи лигаи олии Тоҷикистон гардиданд.
Голҳоро дар дақиқаи 20- ум Фарҳод Тоҳиров аз дастаи «Истиқлол» ва Наврӯз Рустамов дар дақиқаҳои 33-юм ва 58-ум аз дастаи «Равшан» ба ҳадаф расониданд.
Сӯҳроби Бохтарӣ барои «Рӯзгор»