15:08:24 28-уми Марти 2024 сол
banner site ruzgor 21 22
 
photo 2023-01-03 15-28-16
 
 banner ahmad zahir booke
 
Ahmad Zahir - banner 2015
 
 banner you tube ruzgor2021

Qissahoi hijrat - 2015
 
 

Тақвим

<< < Май 2010 > >>
Дш Сш Чш Пш Ҷм Шб Яш
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 27 28 29 30
31            

Эълони номи 15 узви нави Маҷлиси миллӣ

Маҳмадсаид Убайдуллоев - шаҳрдори Душанбе узви Маҷлиси миллӣ интихоб шуд ва зоҳиран раёсати палатаи болоии парлумони Тоҷикистонро барои боз як давраи панҷсолаи дигар ҳифз хоҳад кард.

ubaydulloev_65651245.jpgМаҳмадсаид Убайдуллоев, шаҳрдори Душанбе, дар интихоботи рӯзи 27 март дигарбора ба Маҷлиси миллӣ роҳ ёфт. Ӯ, ки аз замони таъсиси ин маҷлис 15 сол боз раҳбарии онро бар ӯҳда дошт, зоҳиран раёсати маҷлиси болоии парлумонро барои боз як давраи панҷсолаи дигар ҳифз хоҳад кард.

Дафтари матбуоти шаҳрдории Душанбе мегӯяд, дар баробари Убайдуллоев, Бахтиёр Худоёрзода -- раиси дастгоҳи иҷроияи президент, Маҳмаисуф Имомов - раиси донишгоҳи миллӣ, Наргис Раҳмонова - котиби илмии пажӯҳишгоҳи забон, адабиёт, шарқшиносӣ ва мероси хаттӣ ва Нуралӣ Шоев - раиси донишгоҳи технологии низ узви Маҷлиси миллӣ аз шаҳри Душанбе интихоб шудаанд.

Аз Хатлон Давлатшоҳ Гулмаҳмадзода - раиси ин вилоят, Ҷаббори Ғаффор - раиси Бохтар, Хайруллои Амонулло -- раиси Кӯлоб, Саидумрон Абдураҳмонзода - раиси Қубодиён ва Миралӣ Раҷабзода - раиси Норак ва дар Суғд Абдураҳмон Қодирӣ – раиси ин вилоят, Раҷаббой Ахмадзода – раиси Хуҷанд, Наим Набизода - раиси Истаравшан, Ислом Шафиев – раиси Панҷакент ва Раҳмон Шораҳматов - директори литсейи №3-и шаҳри Исфара низ ба палатаи болоии парлумон роҳ ёфтаанд.

Интихоботи вакилони Маҷлиси миллӣ рӯзи 27 март дар 5 ҳавза сурат гирифт, аммо то кунун натиҷаҳои ниҳоии он ба ҷуз аз ҳавзаи бисёрмандатии шаҳри Душанбе дақиқ нест. Дар ин интихобот 25 номзад ба вакилии Маҷлиси миллӣ пешбарӣ шуда буданд.

Абдуманнон Додозода, раиси дастгоҳи Кумиссиюни марказии интихобот ва раъйпурсӣ ба мо гуфт, вакилони маҷлисҳои шаҳру вилоятҳо дар ҳавзаҳои Хоруғ, Хуҷанд, Қӯрғонтеппа ва дар ду ҳавзаи пойтахт - яке дар Кохи Ваҳдат ва дигарӣ дар бинои ҳукумати шаҳри Душанбе – барои вакилони маҷлиси болоии парлумон раъй додаанд.

Дар маҷмӯъ, палатаи болоии парлумони Тоҷикистон аз 33 намоянда иборат аст, ки 25 нафараш аз сӯи маҷлисҳои маҳаллӣ интихоб мешаванд ва 8 вакилашро раисиҷумҳур таъин мекунад.

Тибқи Қонуни Асосӣ, раисҷумҳурҳои собиқ низ узви доимии Маҷлиси миллӣ мешаванд. Ҳоло Қаҳҳор Маҳкамов, ки солҳои 1983-1991 ба ҳайси котиби якуми Кумитаи марказии ҳизби коммунист, раиси Шӯрои Олӣ ва дар солҳои 1990-1991 ба ҳайси нахустин раисиҷумҳури Тоҷикистон раҳбари якуми ин кишвар буд, узви 34-ум ва доимии Маҷлиси миллист.

Таърихчаи Маҷлиси миллӣ

Маҷлиси миллӣ ба ҳайси маҷлиси болоӣ дар низоми парлумонии Тоҷикистон дар чорчӯби ислоҳоти Қонуни асосии ин кишвар дар соли 1999 таъсис ёфт ва нахустин интихоботаш соли 2000 сурат гирифт. Он ислоҳоти Қонуни асосӣ дар чавкоти созишномаи сулҳ бо мухолифин анҷом ёфта буд. Ба бисёриҳо бар ин назаранд, ки он вақт тарси шикасти гурӯҳи ҳоким дар интихобот вуҷуд дошт ва палатаи болоии парлумонро мақомоти вақт барои ҳамин таъсис доданд, ки агар назорати Маҷлиси намояндагон - маҷлиси поёнии парлумон ба дасти мухолифин биафтад, Маҷлиси миллӣҳамчун палатаи болоӣ битавонад дар роҳи қудратталабии маҷлиси поёнӣ садҳои қонунӣ эҷод кунад.

Маҷлиси миллӣ аз салоҳиятҳои фаровоне бархӯрдор аст ва аз ҷумла номзадҳо ба мақомҳои баланде, чун додситони кулл ва додрасҳо дар тамоми сутуҳи додгоҳиро ҳамин маҷлиси тасдиқ мекунад. Баррасии тарҳи будҷа ва таъйиди қонунҳои конститутсионӣ низ  баъди тасвибашон аз сӯ Маҷлиси намояндагон ба Маҷлиси миллӣ супурда мешаванд.

Аммо ҳоло бархе аз ҳуқуқдонҳои тоҷик мегӯянд, палатаи болоии парлумон маъмулан хоси кишварҳои дорои низоми федеролист ва дар шароити Тоҷикистон ҳифзи Маҷлиси миллӣ дигар зарурате надорад. Хусусан дар ҳоле ки нигаронии доираҳои ҳоким аз эҳтимоли пирӯзии аҳзоби мухолиф дар интихоботҳо натанҳо беасос баромад, балки дар интихоботи парлумони рӯзи 1 март ҳизбҳои мухолиф дар парлумон комилан бекурсӣ монданд.

Аммо раҳбарии Маҷлиси миллиро бархе як навъ таъйиди қонунии мақом ва нуфузи шаҳрдори Душанбе Муҳаммадсаид Убайдуллоев ба ҳайси раҳбари баъди президент Эмомалӣ Раҳмон дуюми дар низоми сиёсии Тоҷикистон ҳам медонанд. Аммо Убайдуллоев моҳи феврали соли 2015 ба синни 63 расид ва тавре худаш дар як ҷаласаи ахири шаҳрдорӣ иқрор кард, аз раисиҷумҳур дархости рафтан ба нафақа ҳам кардааст. Ба гуфтаи худи Убайдуллоев, гӯё раисиҷумҳур ин дархости ӯро напазируфтааст.

Бисёриҳо мутмаинанд, ки шаҳрдори Душанбе мақоми раиси Маҷлиси миллӣ ва ба ин тартиб, ҷойгоҳи нафари дуюм дар низоми раҳбарии Тоҷикистонро ҳифз хоҳад кард, вале нуфузи сиёсии ӯ, бахусус дар тасмимгириҳои муҳими давлат дигар он қадаре нест, ки 15 сол пеш, замони таъсиси Маҷлиси миллӣ ба ҳайси палатаи болоии парлумони Тоҷикистон буд.

«Озодӣ»



Назари Шумо

Security code
навсозӣ

sultoni-qalbho
askshoi-khotiravi