ШИКАСТИ ДАСТАИ АНГЛИЯ ВА РОҲХАТИ ДАСТАИ ИТАЛИЯ БА НИМФИНАЛӢ

Чуноне, ки мухлисони футболи сабқати Ҷоми Аврупо 2012 огоҳӣ доред, дишаб барои пайдо кардани роҳхат ба нимфиналӣ ду дастаи пурқудрат, дастаи мунтахаби Италия ва дастаи мунтахаби Англия бо ҳам қувваозмоӣ намуданд.

Ҳарчанд ҳарду даста имконияти ба самар расонидани гол доштанд, аммо ба ҳарду даста имконият нашуд, ки туб ба дарвозаи якдигар равона созанд. Ҳаминтавр дар ду қисми аввал ва ду қисми иловагӣ бозӣ мусовӣ ба анҷом расид. Тибқи дастурот агар дар ду қисм ва қисми иловагӣ бозӣ мусовӣ бошад, бояд ёздаҳметра таъйин карда шуд. Аз дастаи Англия ду бозингар, яке Эшли Янга ва Эшли Коула гол ба самар расонида натавонистанд.

Охирин голро бошад, бозингари дастаи мунтахаби Италия Алессандро Диаманти ба самар расонид. Ҳаминтариқ ҳисоб 4:2 бар фоидаи дастаи мунтахаби Италия ва ин имконият медиҳад, ки дар нимфиналӣ дастаи мунтахаби Италия бо дастаи мунтахаби Олмон барои роҳхат пайдо кардан ба финал мусобиқа намоянд.

Акунун 27 июн дастаи мунтахаби Ипания бо дастаи мунтахаби Португол ва 28-ум дастаи мунтахаби Олмон бо дастаи мунтахаби Италия барои роҳхат пайдо кардан ба финали Ҷоми Аврупо 2012 қувваозмоӣ менамоянд.

Сӯҳроби Бохтарӣ, барои «Рӯзгор»