17:54
бо вакти Душанбе
19-уми Майи 2012 сол
 

Обу ҳаво

Хазина

ДшСшЧшПшҶмШЯш
 123456
78910111213
14151617181920
21222324252627
28293031     
АЗ ДАЪВАТ БА ҶОМИ АВРУПО ТО 7 МЕДАЛ АЗ ТОШКАНД
Мақолаҳо - Ҷавонон ва варзиш
16.12.2011 21:15

Раисиҷумҳури Тоҷикистон ҳангоми сафари худ ба Укроин ҳамроҳ бо Виктор Янукович, ҳамтои укроинии худ, Маҷмааи варзишии навсозишудаи “Олимпӣ”-ро дар шаҳри Киев тамошо карданд, ки бозии ниҳоии мусобиқоти қаҳрамонии футболи Аврупо-2012 дар он сурат мегирад.

/images/stories/viktor_rahmon_1612.jpgВарзишгоҳи мазкур дар масоҳати бештар аз 145 ҳазор метри мураббаъ ҷойгир шудааст ва барои беш аз 70 ҳазор тамошогар ҷой дорад. Виктор Янукович, ҳамчунин, ба Эмомалӣ Раҳмон тӯби футболро бо акси Маҷмааи варзишии ”Олимпӣ” тӯҳфа кард. Ёдовар мешавем, ки сабқати ниҳоии Ҷоми Аврупо-2012 дар Укроин ва Лаҳистон баргузор хоҳад шуд. Мусобиқа 8-уми июн дар Варшава оғоз меёбад ва бозии ниҳоӣ 1-уми июл дар Киев баргузор мешавад.

Ҳафт медали варзишгарони тоҷик дар Тошканд

Варзишгарони тоҷик дар сабқати ҷаҳонии бокси тайландӣ ё муай-тай миёни ҷавонону наврасон дар шаҳри Тошканд ҳафт медал ба даст оварданд. Нуриддин Саидов дар вазни 67 кг ва Нусратуллоҳ Ғайратов дар вазни 63 кг медалҳои тилло гирифтанд. Одил Фозилов (57 кг) ва Диловар Носиров (86 кг) бо медалҳои нуқра, Парвиз Зайдуллоев (75 кг), Ҷамшед Шарифов (60 кг) ва Шоҳини Шамсиддин (71 кг) бо медалҳои биринҷӣ мукофотонида шуданд.

Нахустин қаҳрамонони бадминтони Тоҷикистон

Нахустин мусобиқаи қаҳрамонии бадминтони Тоҷикистон дар пойтахти кишвар бо пирӯзии варзишгарони шаҳри Душанбе ба анҷом расид. Дар рақобатҳои инфиродӣ Хушнуд Катаеви душанбегӣ се медали тилло ба даст овард. Вай нахуст дар сабқати мардон дар рақобати яккаса ғолиб шуд ва баъдан дар сабқати ҷуфти мардона бо ҳамдастааш Саидакбар Давлатов мақоми аввалро касб кард. Медали сеюми тиллоиро Хушнуд дар ҳисоби дастаӣ соҳиб шуд.

Дар сабқати занон дар рақобати яккаса Рухшона Нарзуллоеваи душанбегӣ ғолиб омад. Дар қувваозмоии ҷуфти занона Нилуфар Ёқубова ва Зулфира Гургулиева, ҳарду аз вилояти Хатлон, бо медалҳои тилло мукофотонида шуданд. Дар сабқати ҷуфти омехта Азизҷон Мирзобоев (вилояти Суғд) ва Сулҳияи Саидбек (Душанбе) пирӯз гардиданд.

Нарзуллоҳи Латиф, «Озодӣ»
Миқдори нигориши мавод: 167

Илова


Рамзи махфӣ
Refresh