Ҳамоиши муколамаи забон ва фарҳанг дар Душанбе
3-4 октябри соли равон дар шаҳри Душанбе ҳомоиши "Муколамаи забон ва фарҳанги ИДМ ва СҲШ дар асри XXI" баргузор мешавад. Ҳамчуноне намояндаи хадамоти матбуотии Кумитаи иҷроияи ИДМ ба "Рӯзгор" гуфт, ҳамоиши мазкур аз ҷониби Донишгоҳи давлатии лингвистӣ гузаронида мешавад ва макони баргузории он Донишгоҳи миллии Тоҷикистон аст.
Дар доираи ин ҳамоиш баргузории ҷаласоту мизҳои гирди табодули таҷриба ва баҳсҳои илмӣ дар масъалаҳои шарокати давлатӣ-конфессионалӣ, нақш ва ҷойгоҳи омодагиҳои забонӣ дар маориф, системаҳои миллии гуногунсатҳи омодасозии кадрҳо дар самти маорифи маънавӣ, омодасозии кадрҳои илмӣ ва ғайра баргузор хоҳад шуд.
Дар ин ҳамоиш олимони варзидаи соҳаи забон, мутахассисони макотиби олӣ, шӯроҳои байни мактабҳои олӣ аз мамлакатҳои ИДМ даъват шудаанд. Манбаъ афзуд, ки ин як чорабинии анъанавист ва он дар гӯшаву канори давлатҳи узв сари чанд вақт баргузор мешавад.
«Рӯзгор»