Ободонии боз як муассисаи таълимӣ ва беҳдошт бо кӯмаки ИМА

Сафорати ИМА дар Тоҷикистон ба барқаррорсозии мактаб-интернати беҳдошт дар ноҳияи Рудакӣ 45 ҳазор доллар масраф намуд. Бо ин маблағ ҳаммом, хонаи либосшӯӣ ва обанбори он дубора фаъол гардонида шуданд. Дар маросими анҷоми корҳои барқароркунӣ сафири ИМА дар Тоҷикистон Сюзан М. Эллиотт ширкат ва суханронӣ намуд.

Хабар дода шуд, ки корҳои барқарорсозӣ аз ҷониби Дафтари Ҳамоҳангсози Департаменти давлатии ИМА оид ба кӯмаки ИМА ба давлатҳои Аврупо ва АвруОсиё маблағгузорӣ шуда, аз ҷониби Барномаи ҷомеавӣ ва кумаки башардустонаи Каунтерпарт Интернешнл (CHAP) дар Ҷумҳурии Тоҷикистон амалӣ шудаанд. Гуфтанист, ки ин мактаб-интернати беҳдошт соли 1964, ҳамчун иншоот барои кӯдакони модарзод осебпазир ба сирояти ҳар гуна бемориҳо аз сартосари ҷумҳурӣ таъсис дода шуда буд.

Сафири ИМА дар Тоҷикистон гуфт, ки аз соли 1992 инҷониб мардуми ин кишвар дар доираи барномаҳо ва кӯмакҳои башардустона ниҳодҳои демократӣ, соҳаҳои тандурустӣ, маориф ва рушди иқтисодии Тоҷикистонро беш аз 1 миллиард доллар маблағгузорӣ кардаанд.

«Рӯзгор»