Чопи “Фарҳанги имлои забони тоҷикӣ” дар Душанбе

Кумитаи забон ва истилоҳот аз интишори китоби «Фарҳанги имлои забони тоҷикӣ» бо теъдоди 15 ҳазор нусха иттилоъ дод. Манбаъ дар сӯҳбат бо “Рӯзгор” гуфт, ки ин фарҳанг шомили 65 ҳазор калима ва истилоҳот аст ва тибқи талаботи нави навишти калимаву ибораҳои баҳсталаб рӯи чоп омадааст.

Ҳамсӯҳбати “Рӯзгор” аз Кумитаи истилоҳот иброз дошт, ки “Фарҳанг” бар пояи «Қоидаи имлои забони тоҷикӣ», ки онро Ҳукумати Ҷумҳурии Тоҷикистон 4-уми октябри соли 2011 бо қарори худ тасдиқ кардааст, таҳия гардидааст. Ин аввалин кӯшиши забоншиносии тоҷик дар интишори луғатнома баъди дастрас шудани қоидаи нави имлои забон дар кишвар аст.

«Рӯзгор»