"Авесто" дар фестивали ҷаззи Бишкек ширкат мекунад
Бино ба иттилои дафтари матбуотии Сафорати Швейсария дар Қирғизистон ҳукумати Швейсрия ширкати ду гуруҳи ҳунарӣ аз Тоҷикистон ва Узбакистон- Meatology ва "Aвесто"-ро дар фестивали байналмилалии "Ҷазз-Бишкек-Баҳор" маблағгузорӣ кардааст. Қарор аст фестивали ҷазз таҳт шиори "Мусиқӣ бидуни марз"дар бинои Филармонияи миллии Қирғизистон дар шаҳри Бишкек 19 апрел оғоз гардад.
Бино ба гуфтаи ташкилкунандагонаш бори аввал ансамблҳои ҷазз аз минтақаи Осиёи Марказӣ аз ҷониби дирижёри амрикоӣ Вимбаи Казибони дирижёрӣ карда мешаванд. Ғайр аз ин меҳмони дигари ин фестивал пианиннавози қирғизтабори Амрико барандаи ҷоизаи Грэмм Элдар Ҷангиров хоҳад буд, ки рӯзи 18-уми апрел бо як барномаи консертӣ якҷо бо гуруҳаш "Элдар Трио" ҳунарнамоӣ мекунад.
Қарор аст дар ин фестивал 10 гуруҳи ҳунарӣ аз 7 кишвар: Қирғизистон, ИМА, Олмон, Тоҷикистон, Австрия, Ӯзбакистон ва Ҷопон иштирок кунанд. Соли гузашта сарояндаҳои тоҷик Парвин Юсуфӣ ва Таҳмина Рамазонова аз гуруҳи "Авесто" дар фестивал сазовори ҷоизаи аввал шуда буданд.