СЕМИНАР ОИД БА МАСЪАЛАҲОИ МУБОРИЗА АЛАЙҲИ ҚОЧОҚИ МАВОДИ ЯДРОӢ
Аз 9 то 10 октябр дар Душанбе, бо дастгирии Барномаи муборизаи алайҳи гардиши ғайриқонунии маводи радиоактивӣ ва ядроии (PNSP) Департаменти давлатии ИМА семинари дурӯза гузаронида мешавад, ки дар он тартиби ҷории боздошти гардиши ғайриқонунӣ маводҳои радиоактивӣ ва ядроиӣ, таҳлил карда мешавад. Семинар дар чорчӯбаи Нақшаи вокуниши муштараки миллии Тоҷикистон ва ИМА гузаронида мешавад.
Бори нахуст, барномаи PNSP дар Тоҷикистон моҳи апрели соли 2012 бо мақсади мустаҳкам намудани имкониятҳои дохилии Ҷумҳурии Тоҷикистон ва вусъат додани ҳамкорӣ бо ИМА дар ҷодаи пешгирӣ намудан, ошкор кардан ва вокуниш ба ҳолатҳои гардиши ғайриқонунии маводҳои ядроӣ ва радиоктивӣ пешниҳод гардида буд.
Семинар, ки моҳи октябр гузаронида мешавад, на танҳо имкониятҳои вокунишро дар ин ҳолатҳо мустаҳкам менамояд, балки роҳҳои беҳтар намудани санҷиши судии ядрои ро дар ҷумҳурӣ муайян менамояд. Ғайр аз ин, семинар ба мутахассисони тоҷик имконият медиҳад, ки бо усулҳои асосии фаъолияти гурӯҳҳои мубориза алайҳи қочоқи маводи ядроӣ шиносоӣ пайдо намоянд.
«Рӯзгор»