ИТТИФОҚИ НАВИСАНДАГОН БА АДИБОНИ ҶАВОН ҶОИЗА ДОД
Иттифоқи нависандагони Тоҷикстон беҳтарин адибони ҷавони кишварро бо ҷоизаҳои адабии «Падида» қадрдонӣ намуд.
Ин ҷоизаҳо насиби Баҳроми Раҳматзод, Нодир Луқмонзода, Шаҳодат ва Ҷамшед гардиданд. Бино ба иттилои масъулини Иттифоқи нависандагон нафароне соҳиби ин ҷоизаҳо шуданд, ки навиштаҳояшон соли гузашта дар машварати ҷумҳуриявии адибони ҷавон баҳои баланд гирифта буд.
Абдулҳамид Самад, муовини аввали раиси Иттифоқи нависандагони Тоҷикистон мегӯяд, мақсад аз таъсиси ин ҷоиза ҳавасманд гардонидани адибони ҷавонест, ки бо ҷидду ҷаҳд қалам ба даст гирифтаанду адабиёти тоҷик аз онҳо умеди калон дорад.
Нафароне, ки бо ин ҷоиза сарфароз гащтаанд, соҳиби лавҳи «Ҷоизаи Падида» ва маблаи 1000 - сомонӣ мегарданд. Гуфта мешавад, ин бори дуввум аст, ки ИН адибони ҷавонро бо ҷоизаҳои «Падида» қадрдонӣ мекунад.
Пеш аз ин Баҳманёр Муродӣ, Матлубаи Ёрмирзо, Ҳанифаи Муҳаммадохир ва Баҳром Мирсаидов ин ҷоизаро ба даст оварда буданд.
«Рӯзгор»