Поинравии пайвастаи арзиши фунт дар баробарои доллар ва евро

Дар идомаи баргузории ҳамапурсӣ дар Британияи Кабир дар мавриди хуруҷи ин кишвар аз Иттиҳодияи Аврупо арзиши воҳиди пулии ин кишвар - фунт ба шиддат поин рафтааст. Коршиносон ба ин назаранд, ки ин афтиш ба зиндагии мардуми кишвар таъсир хоҳад дошт. Бахусус онҳое, ки сафарҳои сайёҳӣ дар пеш доранд, онҳое, ки ба тиҷорат машғуланд ва касоне, ки дар сафарҳо ба мошини худ бензини бештар мерезанд, аз ин поинравии қурби пули миллӣ осеб мебинанд.

Бино ба таҳлилҳо моҳи июл фунт стерлин ба поинтарин сатҳи худ баробар ба доллари Амрико дар се моҳи гузашта расид ва ҳар фунт 1 доллару 21 сент муомила шуд. Дар ҳамин ҳол арзиши фунт дар баробари евро низ коҳиш ёфт.

Пеш аз ройи мардуми Британия дар мавриди хуруҷи ин кишвар аз Иттиҳодияи Аврупо дар моҳи июни соли 2016 арзиши ҳар як фунт зери як доллару ним с ент буд. Аз он вақт то ба ин замон фунт дар баробари доллар қурби худро аз даст медод ва ин поинравӣ пайваста будааст.

Дар ҳамин ҳол давлати Борис Ҷонсон – Садриаъзаи Британиё хуруҷи бидуни тавофуқро як чашмандози бисёр воқеъӣ номидааст.

«Рӯзгор»