13:47:56 18-уми Декабри 2017 сол
Ahmad Zahir - banner 2015
 
 youtube-ruzgor-2014


Qissahoi hijrat - 2015
 
1-Ruzgor_Plast_2016.jpg
 

Тақвим

<< < Декабр 2017 > >>
Дш Сш Чш Пш Ҷм Шб Яш
        1 2 3
4 5 6 7 8 9 10
11 12 13 14 15 16 17
19 20 21 22 23 24
25 26 27 28 29 30 31

Мубодилаи асъор


1 RUR — 0.116 TJS
1 USD — 6.2602 TJS
1 EURO — 6.8462 TJS
2015-07-25

"Таърихи Русия"-и Зафар Саидзода барои муҳоҷирони тоҷик

Китоби сухангӯи собиқи раисиҷумҳури Тоҷикистон бо номи "История России" чоп шуд, ки ба қавли муаллиф барои супоридани имтиҳони забону таърих ва фарҳанги Русия барои муҳоҷирон ёрӣ хоҳад кард.

zafar-saidov 9865124554Китоби нави Зафар Саидзода, мушовири калони бахши ёрдамчии раисиҷумҳури Тоҷикистон, бо номи "Таърихи Русия" (История России -учебное пособие для таджикских трудовых мигрантов) барои муҳоҷирони кории тоҷик аз чоп баромад. Бар асоси қонунҳои нави Русия муҳоҷирони корӣ бояд аз забону таърихи Русия имтиҳон супоранд ва Зафар Саидзода мегӯяд, ки ин китоб барои шаҳрвандони Тоҷикистон барои супоридани имтиҳон ёрӣ хоҳад дод.

Ин китоб алакай ба фурӯшгоҳҳои Тоҷикистон роҳ ёфта, аз 25 то 30 сомонӣқимат дорад. Муаллифи "Таърихи Русия барои муҳоҷирони тоҷик" мегӯяд, китоби мазкурро ба забони русӣ омода ва чоп кадаанд, "зеро муҳоҷирони тоҷик имтиҳонро дар Русия ба забони русӣ месупоранд ва бояд тарзи ифодаву истилоҳот дар хотираи онҳо ба ҳамин забон нақш бандад".

Ӯ илова кард, "ҳоло зарурати тарҷума шудани он ба забони тоҷикиро намебинем, зеро муҳоҷирони тоҷик аз таърихи Русия, фарҳанги Русия ва асосҳои қонунгузорӣ ба забони русӣ имтиҳон месупоранд ва донистани забони русӣ барои онҳо шарт аст."

Зафар Саидзода ин китобро воситаи таълимӣ барои муҳоҷирони корӣ медонад, ки бо сабки соддаи русӣ навишта шудааст. Вай мегӯяд, нашри дувуми ин китоб низ бо тағйиру иловаҳо ба чоп омода шудааст ва интизор меравад, моҳи июни соли ҷорӣ ба нашр расад.

Мансур Суруш, нависандаи тоҷик мегӯяд, ин китоб бештар ба суолҳое ҷавоб медиҳад, ки дар саволномаи имтиҳонҳо барои муҳоҷирон оварда шудааст ва он худомӯзи хубе дар бораи таъриху фарҳанг ва асосҳои қонуни Русия барои муҳоҷирон аст. “Китоби таълимӣ барои омӯзиши мустақилона ба муҳоҷирон дар Русия кумак мерасонад. Шартҳои имтиҳон дар Русия донистани забону таърихи Русия аст ва муаллиф ҳамин ҷиҳатҳоро дар назар гирифтааст,” – афзуд ӯ.

Зафар Саидзода, муаллифи китоб гуфт, бо назардошти шароити хариду фурӯш ва имкони муҳоҷирон онҳо тасмим гирифтаанд, нусхаи электронии ин дастуруламали таълимиро дар торнамоҳои интернетӣ ва шабакаҳои иҷтимоӣ низ гузоранд, то муҳоҷирон дар ҳар нуқтаи Русия битавонанд онро дастрас кунанд.

Мувофиқи қонунҳои нави Русия муҳоҷирони тоҷик аз аввали соли 2015 ба таври ҳатмӣ аз забону таърихи ин кишвар тест месупоранд. Ҳоло дар Душанбе низ марказҳои тестӣ ба кори худ шурӯъ кардаанд ва довталабон метавонанд аз ин марказҳо санади забону таърихдонии худро бигиранд.

Саволномаи тестие, ки ба муҳоҷирон дода мешавад аз 60 савол иборат аст. 20 савол дар бораи таърихи Русия, 20 савол дар бораи забони русӣ ва 20 саволи дигар дар бораи қонунҳои Русия дода мешавад. Ҳамчунин, саволҳо ҳар дафъа тағйир ёфта, бастагӣ ба риштаи кори муҳоҷир дар Русия доранд. Бахши умдаи саволҳо осон ба назар мерасанд, вале имтиҳонсупоранда бояд дар зарфи ҳамагӣ 35 дақиқа ба ҳамаи суолҳо посух диҳад.

«Озодӣ»



Назари Шумо

Security code
навсозӣ


RuzgorPlast-banner 1