Дастаҳои ширкаткунандаи даври чорякниҳоӣ маълум шуданд
Дастаҳои ширкаткунанди даври чорякниҳоии Ҷоми футболи Тоҷикистон муайян шуданд.
Бино ба иттилои Федератсияи Футболи Тоҷикистон дар ин давр, ки 11-уми сентябри соли ҷорӣ баргузор мегардад, дастаи «Регар-ТадАЗ» бо «Энергетик», «Эсхата» бо «Вахш», «Парвоз» бо «Равшан» ва «Истаравшан» бо «Истиқлол» қувваозмоӣ хоҳанд кард. Қарор аст даври ниҳоӣ барои дарёфти Ҷоми футболи Тоҷикистон рӯзи 5-уми октябр дар Варзишгоҳи марказии ҷумҳуриявӣ дар шаҳри Душанбе баргузор гардад. Ин аввалин чорабиние хоҳад буд, ки дар ин варзишгоҳ баъди азнавсозии он ташкил карда мешавад.
«Рӯзгор»
