Фирори сарояндаи рок аз Амрико

Тина Тёрнер, сарояндаи машҳури рок, ки ҳамакнун ба синни 74 расидааст, ахиран аз шаҳрвандии Амрико даст кашид. Тина ба сафорати ин кишвар дар Берн ҳозир шуд ва шиносномаи амрикоии худро таслими консулгарии ин кишвар кард.

Муддати 20 соли охир Тёрнер ва шавҳараш Эрвин Бах дар Швейсария зиндагонӣ мекунад ва ҳоло худро шаҳрванди ин мамлакат эълон намуд. Ин сароянда эълон кард, ки ӯро бо Амрико танҳо хонаводааш пайванд медиҳад, вале қасд надорад дигар ба ин кишвар баргардад ва зиндагонӣ кунад. Нашрияи Fortune ахиран навишт, ки сол аз сол теъдоди касоне, ки аз шаҳрвандии Амрико даст мебардоранд, рӯ ба афзоиш аст. Соли 2013 бештар аз 2 ҳазор нафар шиносномаҳои худро супурдаанд, ки ин дар қиёс ба соли 2011 33% зиёд аст.

«Рӯзгор»