Тоҷикистон дигар дар Маскав кинотеатр нахоҳад дошт

Шаҳрдории Маскав бо иттихози 3,5 миллион рубл, ки баробар ба 115 ҳазор доллар аст, дастури тахриби кинотеатри “Тоҷикистон”-ро содир намуд. Дар ин марҳила озмуни ширкатҳои тахрибкунанда эълон шудааст ва тибқи қарори шаҳрдорӣ зарфи шашуним моҳи оянда ин кор бояд комилан анҷом пазирад.

Гуфта мешавад, ки ба ҷои он маркази фарҳангиву фароғатии замонавӣ бунёд созанд. Аминҷон Маҳмадзамон, як шаҳрванди Ҷумҳурии Тоҷикистон, ки каме дуртар аз маҳалли ҷойгиршавии кинотеатр будубош ва кор мекунад, дар сӯҳбат бо “Рӯзгор” гуфт, ки ин аввалин тасмими шаҳрдорӣ барои тахриби муассисаҳое мебошад, ки аз ҷамоҳири собиқ Шӯравӣ ба ёдгор мондаанд.

Бино соли 1982 сохта шудааст ва аз соли 2001 чун толори кинову консерт фаъолият дошт. Ба гуфтаи ӯ сокинони маҳаллӣ ҳамоно онро “Кишлак” ном мебаранд, ки таҳқире беш нест. Аминҷон Маҳмадзамон дар сӯҳбат бо “Рӯзгор” гуфт, ки 23 сол инҷониб дар Маскав зиндагонӣ дорад ва дар ҳеҷ замоне миллигароӣ ба ин ҳад рушд накарда буд.

«Рӯзгор»